我唔希望成為人哋粒花生🥜，我只希望食人哋粒花生。
自己今年真係叫做好運氣，遇到deepseeks 好感激，真正感受憑運氣贏錢。最近做節目，自己覺得好難做，因為太多觀眾朋友問港股依家仲買唔買，其實自己覺得以價值投資角度已經過咗，或者我能力有限。
依家買都係一啲叫動能交易，趨勢交易。自己都係非常睇好港股，但係呢個位你問我做價值投資，我會覺得會唔會太遲，注碼同低位時候完全不能一樣。
喺我有限能力內，我俾唔到大家一些而家呢個位慢慢坐而享受幾倍升幅的價值投資港股。所以我嚟緊所有嘅分享，都係一啲短線操作，我反而覺得波動性上升，短炒渦輪牛熊，係一個極好機會。
自己係一個睇燈睇路識起身嘅人，就算自己覺得自己今年運氣非常之好，自己都唔會將運氣用盡，以前玩牌，贏到好勁時候會起身讓第二啲人玩吓，自己從來唔會係啲一鋪贏晒嘅人，慢慢長做長有。
作為財經KOL，其實我都唔知我嘅生意模式係點樣，有時變來變去，最近我睇Facebook後台數據，同埋邀請我做節目的公司，加上街到同PM我的索家軍，我完全明白我應該都幾唔錯，喺KOL角度應該係幾好幾紅。
因為自己都唔知自己商業模式係乜嘢，同埋自己真係容易滿足，所以呢個時候我反而係退一步，冇利用過機會再去谷紅自己，例如twins首歌，人氣不過肥皂泡，我係一個好實在嘅人，我而家望住我今年嘅回報，我10分心滿意足甚至個回報出年完全唔投資都夠，兩個月跑咗兩年嘅回報。
衰啲講句，作為香港人，同流住香港人精神嘅我，睇人PK最開心。
我希望我係做笑人嗰個，而唔係俾人笑嗰個。作為財經KOL，我覺得保住回報都係一個好緊要嘅嘢，無論對自己，或者對觀眾，所以點解我有時會把賺到嘅錢而家都買落美債度。
我唔希望成為人哋粒花生，我只希望食人哋粒花生。
我嚟緊反而會將所有時間，擺去做運動同環球旅行，自己嚟緊，已經決定咗，去法國，英國，意大利，德國同澳洲，如果買到飛應該會追埋BLACKPINK環球演唱會。
空餘時間自己慢慢寫下本書，再想下之後嘅商業模式。
香港人好少講一樣嘢，叫做中年返貧，其實投資都係一樣，賺到其實你遇到一個大牛市好容易，持續賺到同保存到，係好難。
我唔希望今次運氣贏嘅錢，會憑我嘅實力輸返出去，安全隊我嚟講永遠都係第一，年紀前寫過一篇文，我覺得幾適合，而家同大家分享吓。
最近有個想法，就是股票最享受，或者說最好玩的時間，應該是在我們進入股市的第10年，或者是當我們已經超過30歲的時候。這些錢可以更容易經歷牛熊周期，我們能更穩定地掌控這些財富，即是所謂的聚財。
試想下，20多歲的時候，我們剛大學畢業，步入社會工作。那時候，什麼都未試過，什麼都未玩過，當然是想和朋友去玩，去旅行，買靚錶買車，繼續進修，這些都是要用錢的地方，叫我們先苦後甜也是很難聽入耳的。
而且，剛剛出來社會，頭幾份工作又是否適合自己呢？就算是工資很高的工作，不適合自己，日日上班等同日日去受苦，捱得一年、兩年，又是否可以捱三、四十年，這樣下去情緒遲早爆煲。
當我們還在這種摸索階段的時候，收入和開支都不穩定，就算一開始可以投放大部份儲蓄去投資，之後還是有機會要拿出來花掉。
踏入30歲，有能力玩的事物，有能力試的體驗，基本都感受過了，自己喜歡什麼，想要什麼都很清楚，便大概知道自己未來的人生應該如何走下去。
這時間的投資，才是真正可以以10年、20年為目標的投資，就算在投資上面賺到錢，也能夠更穩定地累積和管理這些財富，享受到「複息效應」，財富也容易越滾越大。
特別是後生的時候，經常想「賺快錢」，想快點賺到一筆錢，去滿足自己的願望，去旅行又好，買新車又好。老實說，年青時要是賺到一筆錢，不拿點出來花花，也不太乎合人性，否則自己也會問自己，每天辛辛苦苦看著股價上落，擔驚受怕是為什麼。
但到30多歲之後，我們便不得不努力儲錢一點，因為我們身邊開始多了很多責任，例如家庭、小朋友、供樓和養老。當我們認真去望望自己身邊需要照顧的人，一想到有這些負擔，自然會想預留多少少錢旁身，我們的目標自自然然就會變成以長線為目標。
我經常強調，寧願每年賺少一點，慢慢投資，總比今年賺100%，明年輸50%好，因為這樣才可以理性一點去思考自己的投資，以及自己身邊的事物。賺到錢，瞓到教，才是享受人生的基本。
【關於 #紅磡索螺絲】
80後財務自由全職炒家，於2003年入讀大學時，已經接觸投資，2008年毅然決定成為全職投資者。2019年參加輪神比賽取得冠軍，而開始獲大眾認識，陸續獲各大平台邀請分享投資心得。Facebook專頁「紅磡索螺絲」目前有2.6萬個Like及3.5萬位追蹤者，Youtube頻道有2.41萬個訂閱者。
Facebook專頁︰紅磡索螺絲
YouTube︰紅磡索螺絲
