曾在8、90年代主持《香港早晨》、《國寶精華》、《大江南北》及《歡樂今宵》等等家傳戶曉資訊綜藝節目的電視知名主持人李有毅（Ben），繼年前與兒子李國煒（Benson）在《流行經典50年》父子檔合唱《單車》後，是日又再父子檔現身新城廣播，主持知訊台全新節目《Ben同Benson「chur」到行》。
Benson父親是資深節目主持人，首次與爸爸共同主持，他自言緊張：「對住佢其實都有某程度嘅心理壓力，最初我都十五、十六，但佢話『我拍住你一齊做』，就冇咁怯。」爸爸李有毅則表示，首次與兒子拍住上做主持，開心大於緊張，「節目名《Ben同Benson「chur」到行》係我哋一齊度出嚟，每集會邀請唔同朋友上嚟傾偈，首要一定是輕鬆，其次是希望用父子角度去睇問題，chur就一定會chur，希望集集都開心講唔停。」
《Ben同Benson「chur」到行》首集邀請了武術指導兼演員林迪安及女兒林沚羿（Venus）打頭炮擔任嘉賓，四人於節目中談笑風生，分享工作計劃，氣氛相當輕鬆愉快。Benson在參加歌唱選秀節目後，這次更親自為節目製作主題曲，展現出他的音樂才華，他透露創作靈感的來源：「我哋個節目比較輕鬆，而且我又好想同爸爸經歷呢個旅程，所以作歌期間都不停同爸爸溝通，亦做咗幾個唔同版本，最後揀咗個輕快版，不過個歌名我哋仲諗緊。」
同樣來自歌唱選秀節目的Venus也透露正在計劃推出新歌，她表示：「是一首輕快嘅R&B，依家仲錄緊，主題講掛住屋企，比較年輕化啲。」Venus提到她早年曾前往不同地方，包括到韓國留學，因為經常思鄉，所以決定創作一首關於想家的歌曲。
林迪安在節目大談女兒Venus入娛樂圈的感受，又分享年前父女檔先後兩次在《歡樂滿東華》飛車爆破、舞火壺的危險演出，Venus坦言自細受爸爸薰陶，對音樂及武打兩方面都充滿興趣及憧憬，憶起童年時隨父親參與《SPIDER-MAN2》演出，更加畢生難忘。《Ben同Benson「chur」到行》首集將於1月25日晚上11時在新城廣播知訊台首播，萬勿錯過！
圖片：新城
