本月20日是雲浩影（Cloud）出碟大日子，由於現場不設劃位，400名成功撲飛的迷雲黨不容有失，一早就到場霸頭位爭取有利座位，希望近距離親近雲姨。
以仙氣聞名的Cloud是日以白色長裙現身，唱出新作《世界多了一個陌生人》、《慢性分手》和《引我笑》為音樂會揭開序幕。Cloud說：「其實每一次表演前我都好緊張，點解會咁緊張？係咪我不能夠勝任呢？後來我發現因為我好在乎大家、好在乎每一次演出。我好開心今日同大家分享，第一次有機會唱咁多首歌。」然後她演唱輕快作品《DIZZY》和新歌《雲的自述》。
自彈自唱《To Let A Good Thing Die》前表示，這歌從未公開表演，顯得有點緊張，彈了一句便要求從頭開始，觀眾報以掌聲和歡呼聲打氣。Cloud唱出大熱作品《回憶半分鐘》，觀眾揮動手機燈海，場面壯觀；唱到洪嘉豪大熱作品《黑玻璃》時，她與觀眾互動一齊做出揈毛巾的招牌動作，樣子有趣可愛，冧爆迷雲黨。
音樂會以她即將派台、第一次公開表演的新碟歌曲《你在我不遠處》作結，Cloud感觸表示：「我好少分享TGgroup嘅link，好開心呢個小家庭越嚟越大嘅時候，仍然令我感到安心，我仍然覺得呢個係一個避風港可以同大家分享，我自己亦都好安心去做自己。」並表示這新歌是為歌迷而唱。音樂會結束全場大合照時，觀眾送她驚喜，將手幅翻轉並一齊講出字句：「鍾意咗你好耐啦！」
之後她在場外巨型海報前與觀眾一對一合照，長長人龍排了大約兩個小時，龍尾排出戶外。事後Cloud笑言驚喜，感覺自己瞬間變韓星，她說：「因為手幅係韓星文化，完場翻轉手幅畀偶像睇Fans心中嘅說話，好開心見到咁多人支持自己，同埋見到由一開始就跟住自己嘅Fans，好難忘嘅moment。」
寵粉的雲姨擔心排隊的粉絲會冷親，她表示：「最初嗰啲（觀眾）仲感受到啲體溫，慢慢去到後邊嗰啲，佢哋拎埋嚟嘅album越嚟越凍，知道出邊應該好凍，我要快啲影，等佢哋唔好喺出邊等咁耐。」一次過滿足晒400位粉絲，雲姨開先例逐一影合照，咁錫fans得唔得㗎？
圖片：大會提供
