三年抱兩的梁諾妍（Inez），先後為洪永城（Tony）誕下大女「Sir Face」Amber與細女「Sir Nose」Beryl，一家四口與金毛尋回犬Molly幸福滿瀉，Tony在結婚禮時承諾「從今以後所有事情都順從老婆」，這三年來身體力行做好爸爸、好丈夫角色，一洗婚前花弗形象。
自Sir Face出世後，洪太地位備受威脅，年前Tony在他39歲正日牛一當日，Inez自動放棄做電燈膽，讓老公與前世情人Amber獨處，Tony更表示：「聽講生日可以話事，最後我決定撇開今世愛人，同前世情人睇番個靚靚嘅日落，作為我嘅生日禮物，爽！講到禮物唔一定要物質，有家人陪伴，已經係心深處最開心嘅一件事。多謝哂。」
自細女出世後，梁諾妍要分身照顧Beryl忙得不可開交，日前Tony不用開工，即爭取時間與大女雙雙搵周公，而過程被洪太「撞破」，並拍下影片，片中洪永城與前世情人同床，二人面貼面還共同一個枕頭，洪太將事發過程放上社文平台，呷醋道：「就連我都未試過瞓到咁埋。」網民留言笑指「斷正喎！真係背住你攬住個後生女瞓」、「好明顯係媽咪呷醋」、「太過份！媽媽可以出返房metime」。
梁諾妍笑對丈夫與前世情人親密舉動，皆因家事繁忙的洪太要照顧Beryl。去年三月細女出世後，臉上眼肚的位置疑似「受傷」，大家都爭相關心Beryl情況，解釋紅點係血管痣（又稱士多啤梨痣），洪永城話若果將來Beryl血管痣持續增大，會再聽從醫生專業建議接受激光治療，令士多啤梨痣變平滑及淺色，Inez表示曾為此擔心到落淚，因為士多啤梨痣太接近眼睛……
昨晚Inez在IG的限時動態貼出一張細女臉上貼上紗布的照片，傷口正正是士多啤梨痣所在的位置，令人猜測Beryl剛完成了激光治療，Inez話：「等我好好記錄再同大家分享。」期待Sir Nose接受治療後慢慢甩掉血管痣，還完靚靚「Sir Face2.0」。
圖片：IG@inez_leong
