日前炎明熹（Gigi）現身劉德華紅館尾場演唱會，即使包到實，甫與Gin Lee老師現身紅館，即如同自帶spotlight，觀眾歡呼聲不斷。享受假期中的Gigi，自《戀上西沙》活動露面後，沒有再公開見fans，心牽Gi炎粉的Gi沒有忘記向fans報告行蹤，不時上載旅行照，一解大家相思之苦。
近日Gigi貼出重慶旅行照片，從沒有戴上cap帽的靚相中可見，隨住前額頭髮愈來愈長，Gigi的中分瀏海造型更貫徹，一張臉亦變得愈來愈V，Gigi在貼文中求fans回答：「我的Baby Fat好似減少了，因為我發現我的面形好似同以前唔一樣了，你們覺得呢？難道我的膠原蛋白流失了？」
「齊陰」是招牌造型，「中分」又型格又顯V臉，粉絲留言表示「Gigi那有Baby Fat？」不少Gi炎粉都表態鍾意炎明熹高冷造型，更有fans話「Cool Gi」跟「Baby Fat Gi 」都一樣鍾意。被fans供稱為「Model Gi」的炎明熹表示自己要維持扮cool真的好難，直言：「我放棄了挑戰……」
講返今次重慶之旅，Gigi當然有約會《聲生不息》好拍檔、「魔動閃霸」的堂哥D仔(王彥深)、表哥A仔(田昌宇)，但大頭蝦的她表示：「其實我有去搵A仔同D仔，但係我哋竟然唔記得影相留念。」期待「魔動閃霸」再合體唱《我鍾意》，更期待下次炎明熹再次公開現身，會以甚麼造型見粉絲？
圖片：IG＠yiminghay
