上月自新西蘭返港，姚焯菲（Chantel）馬不停蹄出席公開活動，全身再投入歌手身分，與小菲象度過了難忘的聖誕及新年。公開表示將休學一年的小公主，大計多鑼鑼，本月將以最佳狀態赴內地長沙參加《聲生不息．大灣區季》的演出，年中又會參與舞台劇，回港後火力全開在事業上衝刺，但Chantel仍然記掛學業，早前在活動上與「新城八大家」大談升學大計，又罕有分享這兩年來在新西蘭挑燈夜讀、苦戰IB公開試的心得。
「我好proud of自己可以完成呢個階段的學業，讀書真係好唔容易，考試更加唔容易，過到呢一關我都好戥自己開心。」Chantel就讀的奧克蘭拔萃女子學校（Diocesan School for Girls）是全國排名前五位的中學，曾揚言小學成績不算標青的小公主，留學這兩年發奮讀書，以「Academic High Distinction」榮譽畢業，證明小公主在學術上取得十分優異佳績。
提到自己高分畢業，她向八大家分享喜悅，「絕對是意料之外，之前完全冇諗過，當我收到成績單之後，知道應該會拎到，要多謝各位老師、朋友一直幫助我，尤其是我的同學，佢哋真係好肯教我。」考試之前，小公主坦言這個榮譽距離她有點遠，「要每科平衡會達到90-100%才會拎到，我都好surprise自己做到。」Chantel亦趁機多謝父母栽培，「多謝嗲啲媽咪畀個機會我去新西蘭讀書，體驗到不同嘅校園生活。
云云科目中，Chantel表示自己讀我最得心應手的是Econ（經濟），問小公主讀書心得，她笑說：「我都會成日叫人唔好咁緊張，但其實好多人都做唔到，緊張一定會有，但要拎到高分數，我覺得留心聽書最實際，如果一唔留心，錯過咗老師堂上教嘅第一手內容，到溫習時唔明白，你就唔會有動力去讀，愈唔識愈唔想讀。」
小公主自言不是學霸，只是本身好學，「我本身好鍾意學嘢，希望大家都pick up呢個鍾意學嘢嘅心態，對成件事幫助好大。」早在今年暑假Chantel已透露渴望赴美升大學，希望中學畢業後可修讀商科。升學乃人生重要抉擇，想法天天都多，知道部份小菲象希望她留港升讀大學，小公主坦言有收到fans的訴求。
「我知道呀，如果香港有大學畀offer，我當然會考慮，但目前又冇話有一間大學令我好心動，都要睇埋所有地方，對比一下收到嘅offer，我的確想去美國，但香港都是其中top three嘅選擇。」
近月Chantel忙於工作，亦不忙搜尋升學資料，「我搵學科時見到有一科叫Entertainment Business And Management好有興趣，但讀我好專門是master來的，如果大學唔太辛苦，我都想讀埋master，但暫時都係讀咗個Business嘅學位先。」祝小公主如願升讀心儀學科，繼續學業、事業兩線發展。
圖片：新城、@chantelyiu
