新城廣播網絡電視MBO TV創作全新節目，頭炮推出旅遊節目《至Hit旅團》，並由MBO TV台長及創作總監葉文輝（啤梨），擔任節目主持及監製，首集嘉賓請來蘇麗珊（Cecilia），介紹深圳好去處！二人第一次合作，啤梨直呼:「好有新鮮感！」
MBO TV日前播出首集《至Hit旅團》，推介「潮玩新攻略」，為大家搜羅各種新奇刺激的新蒲點。蘇麗珊首次參與MBO TV節目，與啤梨合作，啤梨直言，「第一次同蘇麗珊合作，發現第一集出奇地合拍，同埋發現佢好有做主持嘅天份！」
在節目中，啤梨和Cecilia挑戰佔地3000呎的密室逃脫，過程緊張又刺激；除了成人遊玩項目，商場內還有專為小朋友而設的「親子萌寵餐廳」，讓小朋友親親小動物。玩到疲倦之際，2人到餐廳醫肚，品嘗正宗客家菜。啤梨大讚北上遊玩十分方便：「我哋去到商場都唔使離開，因為食、買、玩都有齊晒，真係可以玩足一日，最刺激係玩密室逃脫，裏面超大，好似置身古裝片咁，我哋玩到唔想走。」
圖片：新城
卡拉O!Babe丨戶外直播請來張馳豪 T.MAX獻唱 馬天佑曾致電節目唱啤梨《口不對心》
新城廣播網絡電視（MBO TV）台長葉文輝（啤梨）主持的《卡拉O!Babe》，向來大受歡迎，是網民的集體回憶。今日，啤梨重新啟動戶外直播，邀請了3位嘉賓，包括馬天佑、T.MAX（海淦清）和張馳豪（Aska），吸引不少fans到場支持。
相隔廿多年再舉辦戶外直播的啤梨，他自封「新城戶外王子」，「今次係第一次，希望可以去勻咁多區，香港巡演，所以《卡拉O!Babe》會不定時再有戶外直播，希望大家畀多啲反應我，我做呢樣嘢係為咗市民，等大家一齊開心，同埋令我諗起唱K馬拉松嗰個感覺，以前唱通宵唱到我暈低，好有回憶。」
馬天佑自爆廿年前，曾多次致電《卡拉O!Babe》唱歌，他笑說：「我晚晚聽呢個節目，當時我有唱啤梨第一首歌《口不對心》。（當時咁有勇氣去電台唱歌？）我覺得呢個節目好正，因為我細個冇朋友，又冇乜唱K嘅機會，可以喺大氣電波度唱歌，好感動，係一個開心嘅回憶。」近日，馬天佑推出新歌《斷崖》，問他自資了多少錢？他稱：「我做咗歌手都幾年，做頭幾首歌係冇底數，身為獨立歌手，唔計條數，係冇可能繼續經營，所以由上年年頭，每首歌大約投資5位數字內，計埋MV在內，如果唔係一定玩唔到。」
Aska自彈自唱原創歌曲《Cardigan》和郭頂的《保留》，他表示很開心能夠參與，「之前有試過喺街頭唱，今次好開心有個場地畀我哋Busking，好多謝我fans嚟撐場。（平時唱K係咪『咪霸』？）唔會，我唔鍾意同人哋搶咪，同埋我而家入咗行，都比較少唱K。」
T.MAX由DJ走進歌手行列，7月3日將推出自創歌曲《大細路》，他開心地說：「做歌手係我夢想，因為我過去係一個邊緣青年，10年前跟恩師學音樂，係音樂救番我。（將來會寫多啲鼓勵歌曲送畀邊緣青年？）想，我會加入Hip hop元素，但係正面嘅。」
圖片：新城
