新城知訊台《勁爆樂勢力》節目主持黎莉今天（11月28日）正日生日，新城廣播有限公司首席營運總監馬浚偉、總經理（項目及商業事務）朱靜宜、總經理（節目規劃及頻道運作）朱子昭、知訊台台長程凱欣及多位DJ特別送上蛋糕及唱生日歌為她慶生，場面開心又熱鬧。
隨後馬浚偉送上大利是給壽星女，更笑笑口表示：「今日早啲收工啦，唔使錄音，我話嘅！」正當黎莉高呼：「太好喇，我收工喇！」馬浚偉又補充：「不過聽朝7點返嚟開咪！」引來哄堂大笑。問黎莉有甚麼生日願望？她表示：「希望家人健康平安，另外公司嚟緊有好多唔同嘅計劃，希望大家工作順順利利、開開心心。」至於晚上可有慶祝活動？黎莉稱：「今晚要同個仔溫習，佢聽日要默書，同埋我預咗今日繼續食我嘅減脂餐，聽日Happy Friday再睇吓有冇時間慶祝。」
圖片:新城
