吳浩康（Deep）2022年自揭做地盤工人後，成為「地盤KOL」，為擔起頭家，佢打幾份工幫補收入，唔只得到網民支持，更令佢得到開騷機會，早前元宵節在海洋公園順利完成一場演唱會。佢曾透露自己曾因一事令爸爸非常傷心，現今成為爸爸後，承諾為仔仔做好榜樣。
Deep在2月24日在海洋公園舉行《Deep Reborn》演唱會，吸引全場1200名歌迷捧場，佢表示一場就未夠喉，約定觀眾紅館演唱會見，獲太太郭思琳力撐「好好享受屬於你的舞台，我們就從這裡出發，他朝一日紅館見。」
參加新秀入行
Deep 1999年參加無綫電視舉辦的全球華人新秀賽總選獲季軍，2003年出道，出道不久因為貪玩，不但一腳踏兩船，而且跟損友吸毒，感激當時被拘捕，否則「我應該食死咗喇！」當時吳父十分傷心，但一句話都冇鬧，而吸毒事件亦令Deep形象插水。
變成顧家男人
經歷過低谷後，Deep不怕被指點，努力工作，由以前嘅年少輕狂變成顧家男人，佢曾表示：「當我做到很攰，抱住仔仔、同妻兒相處，就覺得足夠」，亦令佢暫停思考「辛苦」，並自言年紀愈嚟愈大，面皮愈嚟愈薄，所以唔想問人借錢養家，佢好介意將嚟個仔長大後點睇佢，不想將來被仔仔問：「爸爸，你去借錢俾我買尿片呀！」
Deep不時喺社交平台分享地盤工作日常，現時仍身兼多職，每日做足15小時，晚上教唱歌，非常勤力。
