現年35歲的朱千雪現時懷孕6個多月，今天（23日）她出席了嬰兒奶粉品牌活動，笑言趁這未生前，繼續努力賺「奶粉錢」，不過見到千雪今天穿著3吋高踭鞋活動，步伐依然十分靈活。活動過後千雪接受傳媒訪問，提到老公會否知道今天出活動時穿著3吋高踭鞋一事，她直言：「第一佢唔知啦，第二今日條裙比較長啦，所以著返高踭鞋拉長啲個人我覺得靚啲。」
朱千雪懷孕6個多月工作極多 指肚裡BB超旺佢：佢帶畀我唔同工作機會
自懷孕後，不少品牌也找了千雪合作，她形容孩子是幸運寶寶：「佢帶畀我唔同工作機會，最近都比較忙，對我嚟講都係開心，因為都行得走得。對我嚟講都算輕鬆，所以做得幾多得幾多啦。」
而在台上千雪說到現時賺錢要賺兩人份，因為家中將會增添新成員，表示工作上要努力點：「以前啲錢就拎嚟自己用，依家就可能要拎啲嚟分畀佢囉。所以都要勤力啲工作，如果可以做得咪做多啲囉。」
朱千雪唔透露BB性別 望出生後樣貌要似佢
至於小朋友生出來的樣貌千雪坦言從沒有想過，但若像她也是一件好事。提到小朋友性別是男是女千雪繼續賣關子不說：「我諗住等爸爸媽媽返嚟先，因為其實佢哋知道我有BB嘅時候已經係加拿大，都未見過我大肚。始終我都係大女，咁係佢哋第一個孫。」
另外千雪亦分享生完小朋友後，很快便會全心投入工作，不會給太多休息空間自己：「因為我7月已經排咗工作，所以其實休息時間有幾個月畀自己復原，之後都會盡量畀自己盡快投入工作。」
