當大家忙緊撲劉德華香港站演唱會飛，「今天 is the day」Round 2澳門站日前已經圓滿結束，這場可能是老朋友專場，席上有與劉德華相識半個世紀的五虎好友黃日華、苗僑偉（三哥）、戚美珍（三嫂）捧場，唱到《我恨我痴心》時三嫂與同行女友人更按捺不住要高舉雙手跳舞，另邊廂的三哥與黃日華亦動起來，手舞足蹈跟住華仔一齊唱，High過睇波，100分！
「兩虎」過大海應援老友，年尾香港站會繼續支持華仔嗎？三嫂表示到12月與三哥會返回加拿大與一對仔女過聖誕，故年尾香港站開鑼時人不在港，所以趁三哥拍罷從馬來西亞拍罷電影，趁有空檔專程來澳門捧好朋友場，又大讚華仔唱得好，她說：「華仔把聲真係開晒、好靚、唱得好好聽！」
三哥和黃日華也異口同聲表示掛住劉德華，「好耐冇見華仔啦！知道他在澳門開show，即刻約埋過來捧埸。」雖然他們一行人在包廂欣賞演唱會，未能近距離跟華仔打招呼；但兩人鬼馬地遠距離跟遠處LED畫面上的華仔拍了一張三人合照，以證到此捧場，「哈哈，我哋三個有新合照啦！」
華仔完成澳門四場演出之後，連之前內地36場演出，總共完成了40場表演，澳門站後，華仔將繼續開行Turbo準備星馬、台北三站之旅。好期待壓軸香港站呀！
圖片：大會提供
