父母的說話絕對影響小朋友成長和信任。最新一份調查顯示小學生最反感父母講的十句說話，好多家長都不知不覺講了。專家表示，命令式的管教方式對孩子獨特性有損害，建議先理解孩子感受。
最討厭父母「數三聲」
有組織於今年4月至6月期間進行了「小學生十大最鍾意及最唔鍾意聽到父母的說話」問卷調查，訪問了1,226名小四至小六學生。調查發現，小學生「最唔鍾意聽到父母的說話」首五名如下：
1.「我數三聲！三，二，一！」（71.4%）
2.「到底要我講幾多次！」（70.7%）
3.「駁嘴你就最叻！」（69.5%）
4.「做錯事仲賴人！」（67.4%）
5.「我以後唔會再理你，你鍾意點就點！」（67.4%）。
其餘順序為：「叫咗你勤力啲㗎啦！」、「我無眼睇你！」、「未做晒功課無得玩！」、「對唔住有咩用！」、「好嘢唔見你學，衰嘢你就學到十足十！」。
期待父母獎勵和支持
至於他們「最想聽到父母講的說話」頭五位分別是：
1.「考得咁好，等爸爸媽媽帶你去迪士尼玩！」（61.6%）
2.「考得咁好，想要咩獎勵？」（57.4%）
3.「爸爸媽媽尊重你嘅諗法！」（55.7%）
4.「第時大個咗，遇到咩困難都可以返屋企！」（55.2%）
5.「無論遇到咩事，我哋永遠都係你後盾！」（54%）。
提到他們「最鍾意聽到父母的說話」，則以鼓勵和關心為主：
1.「加油！」（80%）
2.「盡咗力就得喇！」（71.4%）
3.「好叻仔/女！」（69.1%）
4.「今日返學有冇咩趣事？」（67.6%）
5.「唔錯喎！比心機！」（66.4%）
權威式對話令孩子焦慮
資深認證婚姻及家庭治療師及臨床督導謝韻姿分析指，小學生最討厭聽到父母「數三聲」來下達指令。這些說話會令小孩容易出現焦慮情緒或表現退縮，令親子關係變得緊張。她建議家長以恩威並重型的管教方式，了解孩子感受和行為背後的原因，並耐心教導正確做法。
她建議活用行為心理學範疇中的「強化理論」（Reinforcement Theory）更有成效，例如「否定式強化」指剔除不好的事情而推動其行為；當孩子尚未完成功課時，不要說「未做晒功課無得玩」，而改說「你快啲做好功課，我就唔會阻住你玩」。「積極式強化」則是指當小朋友表現好時，父母透過讚賞或獎勵，鼓勵他們持之以恆。一句「好叻仔／女」或是「考得咁好，想要咩獎勵」，能有效推動子女繼續做好，亦教曉孩子「若有所得，必先付出」的道理，對將來發展奠定基礎。
圖片：Freepik
撰文：周僖婷
