上周日，張敬軒在他的IG平台粉絲專屬的Hidden Cove向粉絲交代Leslie離世消息：「多謝各位姐姐哥哥，Leslie仔今晚六點幾終於唔再受病痛嘅苦，去咗彩虹橋搵MuiMui了，多謝大家嘅慰問同打氣！」即使經歷多次喪寵之痛，每次面對生離死別都不容易，在Leslie離開後的第三個夜晚，軒公無預警開Live，向關心他的朋友及粉絲傾吐心事，「夜晚黑到呢啲時間就Emo啲，覺得好悶呀，間中會諗吓Leslie喺邊呢？（出殯）儀式未做吖，還未度到時間，冇期，自己又要做嘢，殯儀公司有期，又到我冇期。」
他向網友表示感到自責，覺得自己處理不好，軒公解釋說：「那晚牠是打針走的，其實我哋處理得好差，但沒辦法，屋企不是由我一個人話事，媽媽有她的想法……處理得差是因為，如果早些打針牠會舒服啲，但唔知係咪出於唔捨得，情況一直都唔穩定，唔想當佢仲有意識，仲眼甘甘就打針畀佢走。」軒公坦言掛念Leslie，在最後階段沒有在社交平台貼愛貓近照，是因為不想大家看到不開心，「近六、七個月見到牠身體有變化，好瘦啦，又有好大嚿腫瘤在頭上面，已經不是他最靚仔的階段，所以會好心噏。」軒公話最近三隻毛孩離開，剛巧都是在他準備演唱會之前，「你話係緣份又得，佢哋好懂事，飯團、MuiMui與Leslie都是在我準備開演唱會，知道我準備要忙就先行一步。」軒公感慨道，屋企最後一隻小動物都離開了。「膊頭會輕啲嘅，以後出去做嘢，或者出埠會放心啲，掛心少一件事，會嘅。」
毛孩生命短暫，十數載時光轉眼過，軒公的愛寵先後離他而去。最先到彩虹橋的是2017年突然離開的緬因貓Natasha，她是Leslie同胎的親妹妹，當年Natasha走得太突然，令軒公一度崩潰，然後細佬與MuiMui都相繼畢業，近年就剩下Leslie留在他身邊，故人貓情特別深厚。
年老的Leslie晚年患上腎病，每次進出醫院都令軒公憂心不已，軒仔曾在社交平台抒發情緒道，「毛孩們一有頭暈身㷫，就令主人心緒不寧，有時候倒寧願病那個是自己，起碼哪裏不舒服也懂得說出來。」毛孩畢業了，軒公每次都會話「以後都唔再養」，同樣是貓奴的Gin Lee亦有留言鼓勵軒公：「可以每天為Leslie點一顆祝福蠟燭，祝福他下一個旅程。他並沒有離開，只是換了個方式存在，會好起來的，保重！」牠們沒有離開，我們一定會再見。
圖片：IG@hinscheung
喪寵張敬軒凌晨開Live：「屋企最後一隻小動物都走埋！」
上周日，張敬軒在他的IG平台粉絲專屬的Hidden Cove向粉絲交代Leslie離世消息：「多謝各位姐姐哥哥，Leslie仔今晚六點幾終於唔再受病痛嘅苦，去咗彩虹橋搵MuiMui了，多謝大家嘅慰問同打氣！」即使經歷多次喪寵之痛，每次面對生離死別都不容易，在Leslie離開後的第三個夜晚，軒公無預警開Live，向關心他的朋友及粉絲傾吐心事，「夜晚黑到呢啲時間就Emo啲，覺得好悶呀，間中會諗吓Leslie喺邊呢？（出殯）儀式未做吖，還未度到時間，冇期，自己又要做嘢，殯儀公司有期，又到我冇期。」
他向網友表示感到自責，覺得自己處理不好，軒公解釋說：「那晚牠是打針走的，其實我哋處理得好差，但沒辦法，屋企不是由我一個人話事，媽媽有她的想法……處理得差是因為，如果早些打針牠會舒服啲，但唔知係咪出於唔捨得，情況一直都唔穩定，唔想當佢仲有意識，仲眼甘甘就打針畀佢走。」軒公坦言掛念Leslie，在最後階段沒有在社交平台貼愛貓近照，是因為不想大家看到不開心，「近六、七個月見到牠身體有變化，好瘦啦，又有好大嚿腫瘤在頭上面，已經不是他最靚仔的階段，所以會好心噏。」軒公話最近三隻毛孩離開，剛巧都是在他準備演唱會之前，「你話係緣份又得，佢哋好懂事，飯團、MuiMui與Leslie都是在我準備開演唱會，知道我準備要忙就先行一步。」軒公感慨道，屋企最後一隻小動物都離開了。「膊頭會輕啲嘅，以後出去做嘢，或者出埠會放心啲，掛心少一件事，會嘅。」
毛孩生命短暫，十數載時光轉眼過，軒公的愛寵先後離他而去。最先到彩虹橋的是2017年突然離開的緬因貓Natasha，她是Leslie同胎的親妹妹，當年Natasha走得太突然，令軒公一度崩潰，然後細佬與MuiMui都相繼畢業，近年就剩下Leslie留在他身邊，故人貓情特別深厚。
年老的Leslie晚年患上腎病，每次進出醫院都令軒公憂心不已，軒仔曾在社交平台抒發情緒道，「毛孩們一有頭暈身㷫，就令主人心緒不寧，有時候倒寧願病那個是自己，起碼哪裏不舒服也懂得說出來。」毛孩畢業了，軒公每次都會話「以後都唔再養」，同樣是貓奴的Gin Lee亦有留言鼓勵軒公：「可以每天為Leslie點一顆祝福蠟燭，祝福他下一個旅程。他並沒有離開，只是換了個方式存在，會好起來的，保重！」牠們沒有離開，我們一定會再見。
圖片：IG@hinscheung
