黃依汶（Emme）與陳國坤在2014年結婚，兩年後，誕下兒子陳真，今年已經8歲，顏值甚高的陳真，現時已經高至媽媽的膊頭。從小到大，陳真都很獨立，閒時都會幫手做家務，他曾經跟朋友仔說：「我鍾意洗碗，洗到鍾意咗！」
為了讓兒子在今個暑假有不同的體驗，Emme將陳真送去黃埔青少年軍校進行訓練，她在社交平台上載一段陳真受訓的片段，並留言寫道：「暑假最後一站去到青少年軍校特訓營，對於一日都從未離開過屋企嘅你 去到一個未知嘅環境接受嚴格訓練，的確是大挑戰～」Emme又指回想到陳真當日忍住淚水，擁抱父母、深深呼吸後，頭也不回就步入學校，「那一刻你勇氣無限大，一路上有好友嘅陪伴，一齊適應，一齊學習，一齊自律，一齊自立，一齊訓練，一齊擔當，一齊日曬雨淋，一齊洗衫，一齊洗地，洗廁所，一齊笑一齊喊一齊撐，的確係一個非凡嘅體驗！願所有淚水與汗水能化成你成長中一個堅強的印記。」
在片中，穿上軍服的陳真，對於接受不同的艱辛訓練，包括軍事、自理等等，陳真表示：「一半鍾意一半冇咁鍾意，因為都幾辛苦，同埋天氣好熱。」其間，陳真收到父母的家書，他邊看邊眼濕濕，最後伏在枱上哭。完成七日訓練後，步出學校的一刻，陳真攬住媽媽哭着說：「點解你要寫封信咁感動嘅？」至於今次入營後的感想，陳真說：「最痛苦都係要掛住爸爸媽咪，因為呢七日見唔到我好愛嘅人，真係有啲辛苦。」
