梁釗峰昨日在新城廣播,分別接受昆頓主持的《說故事的人》、黎莉主持的《勁爆樂勢力》訪問,宣傳其新歌《致陪伴我的》。
![娛樂-梁釗峰-致陪伴我的-mv](https://metro.hk/wp-content/uploads/2024/08/WhatsApp-Image-2024-08-15-at-16.30.28-1.jpeg)
![娛樂-梁釗峰-致陪伴我的-mv](https://metro.hk/wp-content/uploads/2024/08/WhatsApp-Image-2024-08-15-at-16.30.28-5.jpeg)
自完成之前的「遺憾與遺憾之間的一切」企劃後,釗峰收到新晉音樂人Kudos的曲詞Demo,「發覺Demo歌詞都幾入心,寫得好,每一句都好直接,呢份詞滿足到我,所以我『全攞』,好多謝Kudos喺Demo階段,都寫到咁有氣質、咁簡單嘅歌詞;《致陪伴我的》係冇特定人物,我而家留空咗,反而係指全部曾經陪伴我嘅人。」他又指錄音時,監製蘇道哲突然叫停,「佢突然問我諗緊邊個?我話諗緊一個唔識小朋友,佢叫小潘,我希望佢喺我側邊,我唱畀佢聽,可以舒服咁唱,好似有個人好信任我,挨得好近,好似一個安住嘅感覺。」
![娛樂-梁釗峰-致陪伴我的-mv](https://metro.hk/wp-content/uploads/2024/08/WhatsApp-Image-2024-08-15-at-16.30.28-3.jpeg)
在MV中,釗峰寫了很多謝詞致不同的人,黎莉表示當時也想,自己應該要多謝哪個人,釗峰聞言即說:「我就係想要呢個效果,係我想你分享你嘅《致陪伴我的》,如果冇,就請你好好活在當下;我有個親戚近排容貌恐懼,覺得自己好肥,佢避開晒所有屋企人唔見,唉,我搲晒頭,咁樣唔好㗎!」
對於拍攝MV當日遇上狂風暴雨,為免影響妝容,釗峰只好獨自留在車廂中,不過他看到同事和工作人員在外面整理器材,而弄得全身盡濕,顯得十分內疚又無奈,釗峰表示:「好慘,見住大家顯晒,我就喺架車度,咩事呀?我好想幫手;我覺得大家好風雨同路,佢哋守住啲機器,同時佢哋面露笑容先勁,呢次係好深刻嘅陪伴。」
![娛樂-梁釗峰-致陪伴我的-mv](https://metro.hk/wp-content/uploads/2024/08/DSC03428-scaled.jpg)
![娛樂-梁釗峰-致陪伴我的-mv](https://metro.hk/wp-content/uploads/2024/08/4-scaled.jpg)
釗峰接受《新城八大家》訪問,提及他因為經常有人陪伴,從而得到心靈上的滿足,說到底,家人永遠都是最重要的人,問他工作這麼忙,可有時間陪伴家人?釗峰說:「我唔係好多時間擺喺屋企,但我同屋企人相處方式就係未必需要咁多時間,我哋搵到一種默契,會互相分享,已經唔需要太過牽掛,我幾好佢哋就ok,當然我同佢哋都有去飲茶。」