詹天文（Windy）昨日到新城廣播接受譚玉瑛、何基佑及麥皓兒主持的《QK玉瑛室》訪問，宣傳新歌《麻煩彈開》，Windy特別向3位主持送上彈彈波，寓意歌名的「彈」字，她表示：「希望你哋啲麻煩都彈開。」
雖然Windy今年18歲，但她遇過不少麻煩事，當中涉及人或事，「有啲人磁場夾唔到都會麻煩，不過我盡量都會去面對，唔會逃避。」
譚玉瑛問Windy有甚麼擇偶條件？Windy表示這個男孩子要陽光、樂觀及高自己一個頭，但她強調：「當真正鍾意一個人嘅時候，呢啲要求都可能會冇咗。」原來，Windy遇過一位令她難忘的追求者，她自爆在剛過去的七夕收到男同學的表白，「我同佢喺學校冇乜講過嘢，佢仲話鍾意咗我好耐，又寫咗大段嘢畀我，有少少嚇親。」
不過Windy已極速婉拒對方，「我好明確同佢講對佢冇感覺，同埋想專注事業同學業，佢有覆我，但我冇睇。如果同一個人一齊，我要有足夠感覺，而唔係試下。」
《QK玉瑛室》節目重溫：https://shorturl.at/kHzyP
圖片：新城
