新城知訊台《QK玉瑛室》主持之一黃筠兒(Chloe)最近與好友趙展彤(VAL)及超酸(原名陳昭煊)創作新歌《公審法院》,VAL除了負責作曲外,更與Chloe和超酸合作填詞,新歌講述公審文化,Chloe飾演受害人、VAL飾演鍵盤戰士、超酸飾演 花生友及地獄使者,以不同角度喻大眾退一步減少傷害。
![娛樂-qk玉瑛室-趙展彤-公審法院](https://metro.hk/wp-content/uploads/2024/08/WhatsApp-Image-2024-08-08-at-18.19.05-1.jpeg)
三人昨日現身新城廣播,接受譚玉瑛和何基佑主持的《QK玉瑛室》訪問,而全媒體網絡電視MBO TV更播出《公審法院》MV,當時看著直播的新城廣播首席營運總監馬浚偉忍不住走入直播室,大讚他們的新歌做得很好,令她們十分開心!
![娛樂-qk玉瑛室-趙展彤-公審法院](https://metro.hk/wp-content/uploads/2024/08/WhatsApp-Image-2024-08-08-at-18.19.04.jpeg)
談及公審文化,三人均表示曾身受其害,VAL指自己11歲參加歌唱比賽,可能欠缺禮貌,卻引起不少輿論,譚玉瑛問她如何面對不好的評論?VAL說:「嗰陣時好低能,啲人留言鬧我,我就逐個留言串番佢,跟住就引嚟咁多人鬧我。」譚玉瑛叮囑VAL要明白忍讓就海闊天空這個道理,而自己亦從不理會網上任何評論。
超酸表示未入行前曾經歷過公審事件,「我細個唔係好識處理感情,導致外界對我有啲誤會,以為我做咗啲乜嘢,背住個男仔點點點呀,根本就冇發生過,但係發生呢啲事情,我會去反思,我會諗點解人哋會無中生有,原來我細個嘅時候做人太高調,待人處事同態度都唔好、唔成熟,之後我學識咗收斂,處理事情要做得好啲,其實好嘅係我會去改進,唔好嘅係對我有打擊,因為我唔識去處理而因此唔相信人,所以我會有個保護罩。」
至於Chloe表示曾參加選秀節目時,當時26、7歲,有網民指她的年齡比其他參賽者大,故改她花名「筠姨」,「嗰陣真係有唔開心,其實到而家都仲有少少,但我同自己講盡量唔好睇(留言)!」
![娛樂-qk玉瑛室-趙展彤-公審法院](https://metro.hk/wp-content/uploads/2024/08/WhatsApp-Image-2024-08-08-at-18.19.06.jpeg)
隨後,她們接受《新城八大家》訪問,提到歌曲以公審為主題,VAL指公審文化是全球問題,超酸接住說:「無論藝人又好,素人又好,網上都會Keep住好多討論文章,邊個出軌、邊個做咗啲咩、喺巴士上面影人哋,雖然好多嘢都唔關自己事,都要攞出嚟討論,令到當事人受到好大嘅壓力。」VAL亦指:「你淨係知道個面,唔知件事點發生,但你就已經有結論去評論,我覺得呢個現象好奇怪。」
今次是Chloe、VAL和超酸合資5位數字做歌,超酸說:「所有嘢都揸得好緊,好彩好多都係友情價,可以令到件事好好。」