鍾嘉欣（Linda）在2004年由溫哥華來港，參選《2004年度國際華裔小姐競選》奪冠而入行，加盟無綫後，她一直備受力撐，躍升為當家花旦之一，更獲觀眾歡迎，由於她人靚聲甜，故有「嘉欣BB」稱號。
除了拍劇、拍電影外，Linda更嘗試唱歌做歌手；在2006年，她擁有自己第一首個人單曲《發誓》，即劇集《搜神傳》的片尾曲；2008年，其首張個人大碟正式面世，發行三個月已經獲得「金唱片」15000張的銷量，當年她奪得「新城勁爆女新人王」，翌年更得到「新城勁爆人氣歌手」，歌曲《日夜想你》獲得「新城勁爆卡拉OK歌曲」，2012年、2013年及2014年連續三屆勇奪「新城勁爆女歌手」。2013年在九龍灣國際展貿中心舉行首個演唱會《鍾嘉欣Love Love Love演唱會2013》。直至2016年，當時已婚的Linda以照顧家庭為由暫時淡出演藝圈，與家人定居溫哥華，只是有工作才會回港。
Linda於下月在廣州舉行演唱會，怎料門票一秒售罄，她在社交平台出Post留言答謝fans的支持，「Thank you so much for all your support！Can’t believe it sold so quick！Excited to see everyone there！」
近日，Linda出席公開活動時，她表示子女不會去廣州演唱會睇騷，因為擔心受時差影響，「我仔女叫我加油，寫咗卡畀我，我應承咗佢哋，呢個第一個騷，我會做到最好，然後下一個騷，當佢哋嚟睇嘅時候，媽咪勁喇，勁爆囉，勁爆全城；其實我好期待呢個騷，因為我由結婚開始已經有啲傷心，受傷係因為我突然間消失咗，佢哋會好唔開心，作為一個偶像，我係有責任，所以呢次我上番台，大家一齊回憶！」Linda透露所有工作將會全面回歸，包括唱歌、電影、舞台劇、做打女、打奸角，她笑稱幻想總會變成真實。
圖片：IG@chungkayanlinda
