李芷君（Ada）、張卓婷（Nico）和葉彥廷（Frankie）日前在新城廣播，接受由T.MAX及JY主持的《Z世代咪高峰會》訪問，30歲的Ada最近推出新歌 《三十歲要知道的事》，「正正三十而立，好想喺呢個關口將一啲矛盾同唔如意嘅事情，睇吓可唔可以用正面嘅態度去面對三十歲，因為我本身對三十歲係冇乜感覺，但越到就越恐懼，到咗嘅時候又發現『都係咁啫』。」
Ada指小時後曾幻想三十歲時，自己有能力買樓、結婚生仔、賺到錢，但到目前為止，她笑言一件都未能做到，雖然如此，她認為最重要是做人要淡定和堅強走將來的路。在旁的Nico聽後就笑說：「我仲未有呢個感覺。」
至於Nico早前創作了一首新歌《嚕攤哲學》，她指「嚕攤」意思是Hea、懶惰，「我寫呢首歌嘅時候都係攤喺度寫。」T.MAX問她怎樣自創這個字「嚕攤」？Nico笑指沒有原因，「通常啲人講『乜乜乜嚕！』、『我返工嚕！』，唔知點樣就演繹咗『嚕攤』，首歌都係講緊唔使咁努力，多啲休息！」Frankie說：「其實佢首歌係我幫佢監製，我問佢咩叫『魯癱』？」Nico笑問：「我唔明點解次次都讀錯囉，可能佢唔係幾識中文。」而Frankie為港峰足球會製作新歌《Flow》。
圖片：新城
