葉麗儀（Frances）今日現身新城廣播，接受由譚玉瑛、何基佑和黃筠兒主持的《QK玉瑛室》訪問，宣傳由特高娛樂制作有限公司 、Live Entertainment主辦、大會指定電台新城知訊台的「葉麗儀感恩55周年香港演唱會2024」，個唱將於8月3、4日，一連兩晚假香港伊利沙伯體育館舉行。
何基佑提到演唱會主題「感恩」，Frances指自己入行55年，多謝在音樂旅程上，跟她合作過的恩師黃霑、顧嘉煇，還有鄭國江、鮑比達、倫永亮、區丁玉，更要感謝歌迷一直對她的無限的支持，「呢個係我嘅福氣，仲有要多謝我丈夫，我認咗佢51年，佢今年80歲，所以我覺得今次演唱會用『感恩』做主題係好啱。」
譚玉瑛指Frances身型太好，她指自己一向很自律，不會暴飲暴食，「1996年我患乳癌，之後好驚食嘢，食乜都要睇下有冇Chemical，我唔會整好晒嘅雲吞、水餃，就連咖喱粉都係自己整，鍾意食嘅嘢，我只會食少量，同埋我冇宵夜嘅習慣。」
節目後，Frances透露近日要忙於為演唱會宣傳，下星期開始進行綵排。提及歌單，Frances表示一定有經典名曲《上海灘》、《萬般情》，「亦都有其他歌要唱，我自己最鍾意《紅顏》一定唱，因為平時出埠喺賭場係唱唔到呢首歌，因為歌詞有少少敏感『常自嘆，常自概嘆』、『無力挽，無力再挽』，所以演唱會我一定唱呢首歌。」
至於家人會否由澳洲來港欣賞？Frances指丈夫和兒子會，但孫兒因要上學，所以未能來港，「我當年喺澳洲做慈善籌款演唱會，當時孫女大概10歲，佢好興奮幫我負責揀耳環，喺後台幫手，孫仔都有上台，佢笑得好燦爛。」
圖片：新城
