「新城廣播劇團」推出頭炮作品《不如見一面》，現時正在熱播，大受歡迎。近日，劇團再炮製第二擊《天花板人生》，今次邀請了鄧小巧、沈震軒和劉威煌主力聲演，而新晉歌手曾傲棐（Arvin）亦有份參與演出。
今日（12日），他們在新城廣播出席廣播劇《天花板人生》記者會，還有新城廣播劇團團長程凱欣、副團長葉碧梅、新城廣播藝人經理人及項目總監范振鋒，以及擔任製作的Terry Wu。故事由2006年開始，主角是兩男一女，三人的關係非常要好，各自在奮鬥路上，縱然經歷風浪和波折，但亦會互相勉勵；而兩位男士亦也明白彼此都對女方暗有情愫，在情誼之間，三人都一直保持著一種比好朋友更好的關係。亦也明白彼此都對女方暗有情愫，在情誼之間，三人都一直保持著一種比好朋友更好的關係。
席上，阿范提及人生中理想的天花板，鄧小巧表示滿足，沈震軒指大家都經歷過疫情，認為身體健康就是人生的天花板，而劉威煌認為是無慾無求。
鄧小巧在劇中飾演蔣慧怡，周旋於兩位男士之間，沈震軒飾演的沈加人和劉威煌飾演的凌雲，沈震軒說：「幾浪漫嘅一件事，講我哋喺劇入面，10年前有個約定，10年後大家又去到咩位置，亦係一個講友誼嘅故事。」鄧小巧在劇中會不幸患上癌症，但未知生與死。對於今日錄廣播劇，他們表示十分期待，沈震軒說：「仲好玩，我反而期待加入我哋自己特質、爆肚，唔知編劇會唔會覺得幾好而加埋入去。」
每個人、每個階段，天花板都會有所不同，鄧小巧說：「細個啲，可能讀到大學已經係天花板，讀完大學出嚟，可能入一間國際公司又係一個天花板，但人越大，天花板就會係虛無縹緲。」鄧小巧和劉威煌追問沈震軒，結婚是否他現時的天花板？他笑說：「其實都係，我同套劇一樣，搵緊人生天花板，咁快搵到就冇意思。」鄧小巧笑問：「你諗住幾多歲搵到天花板？」沈震軒笑說：「係咪玩嘢呀？你唔係幫我咩？其實我覺得好快，所謂嘅快係你唔知。」問到是否會閃婚？沈震軒只是攤一攤開雙手。
此外，Arvin在劇中飾演劉威煌的弟弟，「我今次係客串，負責喺食飯嘅時候『潤』佢兩句，我同佢交流會比較多。」錄音前，Arvin表示有做足功課，「平時唱歌都係用把聲去做戲，但都可以靠埋身體動作，不過電台廣播劇，真係要靠把聲去呈現畀觀眾知道我嘅情緒。」怎樣理解天花板人生？Arvin續說：「可能我未到嗰個境界，未諗人生天花板，但我會諗歌手，最想做到係咩，其實好得意，天花板係講緊最後嘅目標，其實都係一開始嘅初心。」
圖片：新城
