「童顏無綫小花」羅毓儀(Yuki)早前與她的樂隊Mochiice,合力創作第二首歌曲《日落時》,這首歌講述時光的轉變,Yuki憶述錄音時情緒一度崩潰,原來她想起了外婆。
![娛樂-明星-羅毓儀-日落時](https://metro.hk/wp-content/uploads/2024/07/WhatsApp-Image-2024-07-10-at-13.30.59-1-scaled.jpeg)
![娛樂-明星-羅毓儀-日落時](https://metro.hk/wp-content/uploads/2024/07/11-4.jpg)
Yuki日前接受《新城八大家》訪問,她指唱歌時,有很多畫面在腦海中飛過,「我讀小學嘅時候,係行路返學,我會諗番嗰條路;跟住突然間又跳到去我婆婆屋企樓下嘅公園,因為逢星期六、日,媽咪都會帶我去婆婆屋企玩,婆婆又會帶我哋去公園,嗰度有個烏龜池,諗起我同婆婆嘅回憶,因為我婆婆喺幾年前過咗身,所以喺腦海浮現嘅畫面去到呢度,我有啲情緒崩潰。」之後需要冷靜下來,才可繼續錄音。
![娛樂-明星-羅毓儀-日落時](https://metro.hk/wp-content/uploads/2024/07/WhatsApp-Image-2024-07-10-at-13.30.59-5-scaled.jpeg)
由於不想過於沉重,在編曲方面,都會以輕快為主,「我知道講回憶、講以前,有機會去咗一個好沉重嘅位置,大家就會覺得『親人走咗好慘呀』,我又唔想呢首歌咁負面,我希望大家知道人生就係有呢啲轉變,要正面啲去睇。」
她曾經在維也納大學參加交流生計劃,期間,她接到媽媽長途電話,得悉外婆病逝的消息,Yuki眼紅紅說:「真係好難以置信,係咪假呀?但聽媽咪嘅語氣,冇理由係假,因為當時前一日,媽咪話婆婆冇乜事可以出院,可能因為感染走,好突然,我趕唔切返香港,算係我人生嘅一大遺憾。」