谷婭溦日前接受由新城知訊台台長程凱欣與麥卓華主持《原來生活好快樂》節目的「自主人生」環節訪問，她形容自己是個直腸直肚、沒機心、從來都「唔埋堆」的人，所以有時得罪人也不自知。
未入行前，谷婭溦學習聲樂，當時她以全湖南第1名、全中國第2名的成績考進武漢音樂學院，及後報讀美國波士頓伯克利音樂學院的在讀研究生（主修美聲），去年她在香港開設音樂學校，她希望承傳更多人的夢想。
程凱欣表示聽聞過很多歌手都想跟谷婭溦學唱歌，過程中，谷婭溦定必有讚有彈，她笑問：「邊個話我鬧佢？我從來唔鬧人，鬧人係最低級嘅做法，我只會用第二個方法去解決，例如前排嘅《中年好聲音2》，有兩個學生開唔到聲，我叫佢用同一個動作做50次，睇住佢做，做到啱為止。」
談及未來的計劃，谷婭溦指自己有個宏大的夢想，就是做一個有影響力的歌手，「我想企得高啲，唔係為咗搵錢，我當咗香港係我第二個家，我好想去為呢個地方出一分力，如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以追溯到最後我好想從政，記得5年前同朋友行街見到選議員，我好有衝動去選。」程凱欣笑言：「睇唔出你人仔細細志向咁大，咁我哋申報定，到時幫你助選。」
