新城廣播自1991年開台以來，陪伴大眾33年，新城廣播首席營運總監馬浚偉先生領導下，推出全新台歌《沿途有我》。《沿途有我》MV於今日 (7月1日) 踏正凌晨12時，在新城廣播網絡電視MBO TV啟播的大日子作首播，大家可於新城廣播網上平台及手機APP上收看。
《沿途有我》得到一眾歌手好友全力支持獻唱，包括楊千嬅、周吉佩、李幸倪、泳兒、梁釗峰、吳業坤、陳葦璇、黃淑蔓、安俊豪、余宗遙、顧定軒、譚嘉荃、林愷鈴及Beanies。新城廣播更出動台前幕後總動員合唱及拍攝MV，其中「鎮台之寶」薛家燕、「元祖級」兒童節目主持譚玉瑛、「股壇辣媽」胡孟青、「鬼王」潘紹聰與及資深音樂主持郭偉安驚喜獻聲；還有MBO TV台長及新城廣播創作總監葉文輝、財經台台長魏美珍、知訊台台長程凱欣、采訊台台長Michael Vincent、藝人經理人及項目總監范振鋒、新聞部總監林潔瑩、高級執行監製林淑敏、節目主持思敏、黎莉、歐陽德勛、漢陽、李紫昕、何基佑、林伽遙、麥皓兒、黃筠兒、麥卓華、朱家明、朱明亮、陳以禔、梁樂童、T.MAX與及采訊台主持等，上下一心為台歌注入強大力量。
《沿途有我》由馬永齡作曲及監製，新城首席創作總監兼著名填詞人周禮茂帶領新晉填詞人潘源禮共同填詞，歌曲道出人生起跌，只要堅守信念，最後定能撐過。
家燕姐開心表示以往只唱過節目主題曲，但為新城唱台歌卻是第一次，她說：「難得請到周禮茂為我哋填詞，首歌嘅旋律好好聽，歌詞好正能量，我好欣賞，雖然有啲難唱，不過OK嘅，做一首台歌一定要令人覺得有正能量同挑戰性，幾十人一齊唱，呢個設計好唔簡單，證明佢哋好用心做，希望我唱出嚟唔會失禮，亦都知道喺Steven（馬浚偉）嘅領導下，大家都將所有台同節目做好，好感動。」
主持兒童節目多年的譚玉瑛，早前加盟新城廣播與何基佑、黃筠兒及麥皓兒主持《QK玉瑛室》，今次為台歌獻唱，她直言是個大挑戰，譚玉瑛說：「我過往幾十年只係唱兒歌，無咁多呢啲抑揚頓挫，今次好彩有麥皓兒教我，尤其係唱歌力度，錄音之前，我有聽過首歌，但都唔知點入，平時好少唱歌。（對你好有難度？）因為個音幾高，唱歌對我已經有難度，所以就算幾簡單嘅歌都會覺得難，但好彩有佢哋指導我。」
至於胡孟青開金口唱歌，雖然只是短短一句歌詞，但她的表現相當專業，不時向監製請教如何開聲，「其實我好憎唱歌，有唱過K，但唱完成個月開咪都會沙聲，所以從來都唔唱，今次成件事好認真，有少少緊張嘅，我畀自己零分，我唔係天才，係『天菜』。」
鮮有公開露面的郭偉安，坦言已盡力升高Key，幸好監製收貨，他笑言：「呢十年我都無錄過歌，發覺自己把聲愈來愈低音，但今次錄音未試過咁高音，相信我錄嘅時候面容會好扭曲，擔心會嚇親人，但監製叫我照去，他給予我很多信心，所以舒服很多。（唱上癮？）已經上咗癮，成日都哼住『高興遇上你』呢句歌詞，因為呢句係我唱，大家記得留意。（要求下次唱多兩句？）如果監製唔嫌棄，又想再搵我唱，我無任歡迎。」歐陽德勛自爆馬浚偉邀請他錄台歌時十分客氣，「佢問我有無時間光臨參與錄音，為而家個士氣打氣，又好強調係一首好有意義嘅台歌，我話乜你咁客氣，你唔預我會嬲添！」
圖片：新城
