英皇娛樂旗下全新音樂廠牌，昨晚舉行 《288 Records Label Launch Party》，兩支樂隊SULIS 及Locksmiths作首度公開表演，分別演繹自創歌曲及新歌，為新音樂廠牌揭開序幕。
由主唱兼結他手冼彥龍（Jonathan）、結他手朱啟軒（ROY）、低音結他手范文浩（Logout）及鼓手郭凌峰（Nathan）組成的樂隊SULIS，演繹《CRAY CRAY》、《開場白》、《酒後咖啡》、《Hello Goodbye》及全新歌曲《THE SULIS CLUB》，炒熱場內氣氛。
接着，由主音的大雄、結他的阿東、低音結他的Harry、鍵盤的Eric、鼓手的Tom組成的樂隊Locksmiths，演繹《阿木》、《道別重聚散》、《NOYB》、《蓋亞星》和新歌《我們都是這樣沒有長大的》。
9年前，SULIS已經成軍，創作了很多歌曲，4子因為有共同理念，希望可以做一個大型的音樂會。樂隊由多人組成，每位成員通常持有不同的意見，問到他們曾否有拗撬？Jonathan說：「唔算係拗撬，係討論，因為有監製喺度，佢會引導我哋、指導我哋去啱嘅路。」Logout笑說：「始終新婚仲係蜜月期，唔會咁快嗌交嘅而且我哋嘅崗位分得好清楚 ，同埋我哋唔再係小朋友，學ROY話齋，唔好嘥時間，做好音樂啦，所以我哋唔會用嘈去解決事情。」他們又稱在未來日子，將會繼續創作歌曲，可有公開表演的機會，更想到海外參加音樂節。
Locksmiths 在2019年成立，當時遇上疫情，5個小伙子在Band房內，只能不停玩音樂，Harry說：「我哋喺呢段時間踏出咗默契。」及後，因為一個機遇，Locksmiths參加了英皇舉辦的樂隊比賽，雖然他們當時未能打入Top 10，但卻被選中而入行，Tom說：「我收到英皇電話，最初我以為打錯，後來發覺原來真係，可能公司覺得我哋好平均，因為我哋有琴手、結他，仲有Keyboard ，係爭啲經驗，同埋齊齊整整，意思係我哋嘅平均高度。」他們笑言大家高過170cm。提到同門師兄謝霆鋒都喜歡夾Band，Locksmiths表示很想跟對方合作，Tom笑說：「我哋成日都玩《活著Viva》，玩得好high，好過癮！」會否效法對方掟爛結他，Locksmiths異口同聲笑謂：「唔會，結他好貴㗎！」
圖片：新城
