鍾柔美（Yumi）今日在新城廣播，接受由知訊台台長程凱欣及麥卓華主持的《原來生活好快樂》訪問。等待下月DSE放榜的Yumi，她有放榜前減壓方法，「做自己鍾意做嘅嘢，我鍾意食嘢、去玩，所以考生們都可以適量咁去玩，最緊要係自律。」
日前，Yumi在社交平台貼出中學畢業照，成績優秀的她，考獲全班第一名，認真叻女，現場就切蛋糕和食曲奇慶祝，Yumi向《新城八大家》透露，取得滿意成績，事後與家人食飯慶祝，「屋企人、身邊嘅朋友都好鼓勵我，Keep住向前行，唔好因為拎第一就驕傲，其實拎第一，我係有啲壓力，亦都估唔到，因為我數學最差。」
Yumi既是一位學生，又是一個歌手，平時溫書有何方法？她稱：「我諗每個人都有唔同方法，我就鍾意寫嘢多啲，我會齊齊整整寫note，所以會更加入腦，大家都搵啱自己嘅方法。」
提到下月17日是DSE放榜日，Yumi會否輕鬆面對？她表示：「唔會，反而仲緊張，因為我覺得校內嘅成績同出面嘅考試係唔同，校外嘅人同競爭會更加多，所以我唔可以話喺學校拎第一，喺出面就實得啦，我唔可以咁諗，反而更緊張自己會唔會唔得，所以順其自然。」
對於有指Yumi擔心到外國會有思鄉，所以決定留港升學，報讀商科，她直認不諱：「都係諗住喺香港，因為我想邊做嘢一邊讀書，好似Chantel（姚焯菲）喺外國讀書，但佢成日要返嚟做嘢，我本人就唔係幾想咁。」
