馮允謙（Jay）推出第三首派台作品《在愛面前投降》，作曲馮允謙、陳考威和黃兆銘，陳詠謙填詞，編曲黃兆銘，監製陳考威。這首歌是講與另一半有爭拗的時候，是否一定要「拗贏」對方？其實最重要是兩人走在一起。
在新歌MV中，Jay以一個「隱形的旁觀者」見證一對情侶，由求學時期到拍拖，男方因病無法繼續相愛，向女方求婚，相約下世再續前緣，這一段深情告白令鏡頭外的Jay甚為感動，他說：「明明係一個好sweet嘅故事，但係個結局好凄美，佢哋拍求婚戲時真係令我好感動。」問他不選擇擔任MV男主角？Jay解釋：「我同導演溝通嘅時候，覺得由其他人演會更適合，因為由讀書到拍拖，我著校服唔係好夾，而家以旁觀者睇佢哋嘅感情發展效果更好，相比我做唔做主角更加重要。」
拍攝MV時，正值在酷熱天氣警告下進行，Jay穿著皮褸圍巾皮靴拍MV，爬高蹲低走過森林，他竟然笑說：「有啲凍！」原來工作人員事先給他退熱貼、降溫噴霧和風扇，加上Jay自我催眠的神奇力量，他說：「今日嘅場景就好似去咗一個末日世界，我除咗行嚟行去，仲要爬上爬落和走入樹林，因為啱啱落完雨，周圍好多蝸牛，要好小心行，唔好踩扁佢哋。今日30幾度，我不停催眠自己得10度，途人見到我著成咁仲成面傷痕，都被我嚇襯，以為我傻咗！多謝公司同事對我好好，風扇、冰貼和噴霧幫我降溫。」
圖片：大會提供
