金牌經理人陳淑芬（陳太）今日在新城廣播，接受由知訊台台長程凱欣和麥卓華主持的《原來生活好快樂》的訪問。陳太縱橫演藝行業半世紀、曾是天皇巨星張國榮（Leslie）、梅艷芳、張學友等等的經理人，大家的關係都情如家人，陳太說：「我對所有朋友好真誠、好真心，Leslie成日講，除咗我唔係姓張，佢唔係姓陳，其實我真係好似佢家姐，我都當佢係細佬，其他藝人做訪問都有講，原來佢哋都當我係屋企人，我知道之後覺得好欣慰。」
50年來，陳太在業界都一枝獨秀，她表示一直堅持一個信念，就是不斷嘗試，不要計較蝕底，如果失敗都吸取教訓。程凱欣問到有沒有一次是「蝕到好甘」？陳太說：「唔會樣樣嘢都賺硬，真係要試，如果值得去試，我唔介意蝕啲錢去試下，如果得咪繼續，如果唔得嘅，最緊要做好件事，起碼有個口碑，好多騷我都唔係預咗要賺錢。例如搞哥哥（張國榮）嘅紀念活動，冇一次預要賺錢，因為我只係做一、兩場，同埋3面台，又多製作嘢，請藝人嚟，我會盡量滿足佢哋嘅要求。」
每次舉行張國榮紀念展，陳太表示是為了歌迷而做，「佢哋好長情，咁多年都對Leslie不離不棄，好值得多謝佢哋，去年紀念Leslie 20周年，係唯一一次我冇蝕本，因為開4面台，所有人都好用做，成個騷都充滿愛。」
今年是陳太入行50周年，在圈中結識很多好友，亦見證了很多光輝歲月，所以早前在澳門舉行《陳淑芬．星星相識50年．紀念展》，展期由3月20日5月19日，由於反應太熱烈，展期再延至6月30日，她表示：「因為喺澳門舉行，我知道有好多內地朋友想再睇，但簽證要幾個月先申請到，所以而家展期再延至7月28日，呢個係終極，最後一個機會，同埋係免費。」陳太坦言人生已經沒有遺憾，特別製作一首《圓滿人生》歌曲。
