「飛越啟德100KM跑步機慈善挑戰賽2024」昨日（6月22日）在荃灣D．Park舉行，活動除了吸引大批跑手外，還有多個企業、機構、名人等組隊參與。由新城廣播有限公司首席營運總監馬浚偉先生成立的《新城體育會》，今次亦有參與「傳媒及名人組」10公里賽事。
新城廣播主持人黎莉、歌手安俊豪、鄺星宇及龔柯允代表《新城體育會》，4人分別在非電動跑步機上，以接力形式合力累積10公里。總經理（項目及商業事務）朱靜宜和項目總監葉碧梅特別到場為他們打氣。比賽過程中，由於非電動跑步機是依個人運動的速度，進行相對的移動，他們先後輪流跑，起初都比較難去控制速度，後來就越跑越順。
最後，他們以1小時37秒完成10公里賽事，跑最後一棒的黎莉，已經跑到索氣，汗流滿面。而鄺星宇和龔柯允跑得亦不錯，龔柯允接受《新城八大家》訪問時說：「其實一開始跑係有失控嘅情況，係難嘅，首先部機完全冇電，一開始未適應嘅時候，部機快我就越嚟越快，但我又唔想自己跑得咁快，因為擔心會冇氣，所以就慢慢跑，不過有少少好似要跌落地嘅感覺，所以要扶住，重新調節自己步伐，一啲都唔容易。（賽前有冇練跑？）今次冇呀，因為之前星期三我參與咗《新城體育會》搞嘅羽毛球活動，我當練咗！」
安俊豪表示賽前有兩個目標，一是不做包尾，二是希望1小時內完成，但結果以1小時37秒完成，他認為都尚算滿意，如果下次再參與，必定會跑出更好的成績。原來今次安俊豪帶病上陣，全程都是「死頂」，他說：「近排我要交歌，我哋呢啲音樂人，夜晚先至會有靈感，想瞓覺嘅時候，就諗到一啲旋律，於是即刻起身錄音，所以呢3、4日，我都瞓得唔好，再加上我啱啱搭長途車，唔夠瞓好容易暈車浪，所以我一嚟到就要去洗手間，清咗腸胃先去跑，不過我而家ok。」
圖片：新城
