新城廣播藝人經理人及項目總監范振鋒（Ricky）今天（20日）生日，新城廣播首席營運總監馬浚偉率領總經理（項目及商業事務）朱靜宜、總經理（節目規劃及頻道運作）朱子昭為Ricky送上生日驚喜，DJ好友漢陽、葉文輝（啤梨）及麥卓華（小麥）等亦有到場祝賀，同場更為項目總監葉碧梅慶祝開咪30周年，氣氛熱鬧又溫馨！
眾人獻唱生日歌後，Ricky準備切生日蛋糕之際，馬浚偉送上利是及禮物給兩人，他笑說：「我發覺我份糧係用嚟封利是，就嚟出糧冇錢，用嚟換錢封利是。」事後Ricky表示完全不知道大家安排這次驚喜生日派對，他一臉感動地說：「今日有切蛋糕、有禮物、有利是，呢封利是唔計新年，係第一封電台高層畀嘅利是。」問到他的生日願望，Ricky希望自己和身邊人都身體健康、香港經濟繁榮及人人有工開。
雖然生日要在工作渡過，但原來Ricky早有準備，安排晚上和太太李思欣到中環食燭光晚餐慶祝。至於未來在新城廣播的工作大計，Ricky透露已準備大展拳腳，「新城廣播同幾位男女歌手、樂隊已經傾好，而家處理緊合約階段，預計下個月左右就可以公布。（壓力大咗？）接觸多啲唔同範疇係好嘅，幫到電台又開心。」
