香港無伴奏合唱組合VSing在2016年成立，8年間，他們除了進行各種現場演出外，還在YouTube上載翻唱影片，吸引不少人收看。昨日，VSing在新城接受由知訊台台長程凱欣和麥卓華主持的《原來生活好快樂》訪問，宣傳今年首支單曲《I Wanna Wanna》。
VSing 的成員有負責女高音的李昊嘉（Sharon）、女低音的盧宜均（Anna）、男主音的陳駿軒（Bernard）、男高音的張翶揚（Vincent）、男低音的馬顯融（馬仔）和節奏口技的劉家卓（雞腳）。對於今次新歌是怎樣構思出來？他們接受《新城八大家》訪問時指，新歌是由馬仔構思的，Anna負責作曲、編曲和監製，馬仔稱：「我想帶出訊息係，行到街上都可以見到多啲色彩，唔好淨係咁單調，我覺得好似容納唔到唔同嘅嘢，人人都好似一樣，你同佢都冇乜分別，我想見到大家都有分別。」雞腳表示在他而言，訊息都是其次，反而他會著重於怎樣將歌曲做到最好。
6位成員本身都是專業的音樂人，能夠走在一起，全因大家有著相同的理念，就是希望推動無伴奏合唱（A Cappella），Anna說：「我哋主要想做A Cappella音樂，基本上全部都係人聲去唱，希望令到人哋會記得我哋。」問到他們何時開音樂會？Anna表示：「11月8日會喺大會堂開一場，係近年嘅第二個音樂會，其實本身喺上年9月8日都係喺大會堂開，但點知嗰日係極端天氣，所以被迫取消咗，好可惜，不過我哋即刻搬去一間好細嘅餐廳入面開，照做個Show出嚟，但係效果好唔同，感覺差好遠。」
VSing成立已8年，但作品較為少，雞腳指夾時間是一個最大因素，「我哋都有自己唔同嘅職業，要夾時間真係好難，如果要練歌同錄音係十分之罕有，所以產量會較為少。」Anna續說：「我哋除咗出原創歌曲之外，我哋仲會邀請唔同Artist一齊玩cover song，呢啲都係我哋嘅產品。
