草蜢將於8月17日假佛山國際體育文化演藝中心，舉行「RE:GRASSHOPPER草蜢演唱會2024」佛山站，日前，三子現身演唱會記者會，吸引各地歌迷到場支持，有歌迷代表送上花束和他們過往演唱會造型的千塊砌圖，令三子大為感動，蔡一傑說：「所有我哋嘅造型相片整成砌圖，要一幅一幅整理同埋砌出嚟，真係唔簡單，好多回憶。」蔡一智感謝歌迷數十年對他們無條件的愛。
提到今次佛山站演唱會，三子預告會有超過100分鐘的跳唱環節，叮囑歌迷要做足準備，蘇志威說：「有睇過我哋草蜢演唱會嘅歌迷都知，喺台下都要同我哋一齊跳，第一次入場嘅歌迷就要開始練跑練氣，做定開騷準備。」蔡一智則說：「草蜢演唱會嘅傳統係全場觀眾一齊玩人浪，9年前我哋喺佛山演唱會，台下歌迷超級熱情，人浪足足玩咗五、六分鐘，非常難忘，期望今次演唱會可以打破紀錄。」
草蜢於席上還宣布官方抖音帳號正式啟動，希望與歌迷更多互動，蔡一智說：「我哋會分享演唱會籌備日常，綵排、開會、練歌、做運動，甚至去邊度食嘢，仲會公開私密照！」自稱是「抖音新丁」的蘇志威搞笑說：「絲襪都要攞出嚟？」蔡一傑笑謂：「可能係私密裸照，我哋BB仔時嗰啲呀！」
圖片：大會提供
