羅啟豪（Ramon）向來都會抽時間與「豪殼」（歌迷暱稱）互動，日前，他在社交平台開直播，自爆自己在錄音室灌錄單曲時，發生一段小插曲，最後只能要重新錄過。
直播中，Ramon順應豪殼要求點唱，他先後清唱《大會堂演奏廳》、《Do Re Mi》 、《准我》、《如果這是情》、《天意》、《綿綿》、《情比雨絲》、《Run to You》、《心經》，就連廣告歌都有唱，雖然只是唱了一小段，但其靚聲已令豪殼聽到十分陶醉。不過，有豪殼指Ramon說話時會走音，他亦自封是走音王，「唔知係咪因為未搵到適合嘅方法去保養把聲。」
談及首支單曲《相信 相信》，Ramon透露錄音時，因為鼻感敏發作，以致鼻塞而影響水準，「衰在自己心情太興奮，出門口嘅時候唔記得帶噴鼻藥，工作人員都好主動幫我搵，但係買唔到，最後要幫我返屋企攞，攞到返嚟，一噴個鼻就通晒，把聲即刻靚晒，監製就建議之前錄嘅，全部都唔要，重新錄過。」
此外，Ramon表示有興趣拍劇、到校園唱歌、演出音樂劇，甚至衝出香港，他笑指自己很有喜感，絕對適合拍喜劇。」今次直播，吸引大批豪殼入內，Ramon帶點感觸說：「一年前未入行嘅我，真係無可能做到Live，所以好幸運呢年帶畀自己好多正面嘅改變，我會繼續努力喺唔同方面去提升自己，希望將自己嘅音樂帶畀更多人。」
