歌手龔柯允、知訊台台長程凱欣、3位屈臣氏的羽毛球精英，以及唱片公司代表，昨晚參與《新城體育會》的羽毛球活動，眾人先後與新城廣播首席營運總監(COO)馬浚偉切磋球技。
再次應戰的龔柯允，接受《新城八大家》訪問時稱，她在馬來西亞讀書時是打籃球校隊，爸爸亦是籃球會主席，所以上次參與《新城體育會》的羽毛球活動，難免會有點緊張，「佢哋都好包容我，好過我唔郁吖，今次就有少少膽粗粗再嚟玩。（上次跟馬浚偉打完之後，有冇再苦練？）冇呀，知道唔係Level啦，哈哈哈，點練都冇用，同埋我上次係同Eric Kwok玩雙打，所以完全係佢打晒。（今次要單打獨鬥喎？）所以我而家唔敢落場囉！」
熱身過後，到正式落場，馬浚偉與龔柯允同組，跟程凱欣及唱片公司代表對戰，馬浚偉邊打邊教路，正手和反手打法、步法姿勢應該如何處理，可能龔柯允有打籃球的概念，一教就曉，難怪馬浚偉不禁大讚：「Good，繼續，打得好！」令龔柯允信心返晒嚟。
事後，龔柯允再接受訪問，她笑說：「其實同馬生打好緊張，我對手都出晒汗，佢即場教我，我嘗試去消化，佢個方法真係勁啲，好work，但我最後都係失手，可能我未掌握得晒所有嘢，不過我會勤力去練，同埋真係同打籃球好似，最重要係手腳協調。」問到會否與老公一齊打羽毛球？龔柯允透露與老公是打籃球結下情緣，她笑說：「如果大家想脫單，考慮吓做運動，打羽毛球係ok，我而家呢塊羽毛球拍都係我老公私伙，佢叫我攞塊最靚嘅拍出去打，我就係屎波架撐多啲friend。」
圖片：新城
