由姜咏鑫（Ada）、李晞彤（Carina）、馬思惠（Macy）及張鈊貽（Valc）組成的女子組合VIVA日前正式出道，並推出首支派台歌《Topic Killa》，歌曲講述當面對心儀對象是一位「話題終結者」時的心聲。深夜向對方發出一個「Goodnight」訊息，卻換來一個毫不浪漫的「It’s Alright」回覆。對方蠢鈍又帶點可愛，令人又愛又恨，作為女生唯有剛柔並重，像Rap詞般直接表達的同時，又保留一點矜持等待他主動開口。
Carina是隊中「藝能擔當」，她表示首次到韓國錄歌，感受最大是唱歌部份，「因為韓國同香港嘅唱歌模式好唔同，喺我嘅認知上面，學咗好多新嘅唱腔、發聲嘅技巧，點樣運用喉嚨或者聲帶嘅肌肉，所以我哋都用咗好多時間去平衡，我相信我哋冇人冇為過唱歌呢一個部份而冇喊過，不過喊完就冇事，都係抒發一下，第二日大家又打起精神去接受挑戰。」
在MV拍攝現場，4女竟然有艷遇，對一位工作人員心心眼，她們笑說：「我哋拍MV有一位工作人員好大隻、好靚仔，然後我哋走去問經理人，可唔可以簽佢返香港！」
作為「舞蹈擔當」的Valc，她表示可以跟一些自己很欣賞的排舞師合作，十分開心；「唱歌擔當」的Macy，同時成為隊中的「大力擔當」，她笑說：「喺韓國受訓期間，有一晚我自己喺宿舍嘅下層，佢哋喺上面嗰層，突然間發生一下巨響，然後我大叫，佢哋以為我喺下面有事，即刻衝晒落嚟，其實我係坐爛咗張櫈，哈哈。」「姐姐擔當」的Ada立即認同，「佢真係好大力，第一次見識到佢嘅『力量』，喺我哋第一日去到韓國宿舍樓下，楝大廈係冇𨋢，Macy一口氣將佢兩個篋行樓梯搬咗上三樓！」
圖片：大會提供
