J2台主持人文頌男（Koba）去年10月患上罕見癌症「尤文氏肉瘤」，全面停工後一直努力抗癌，先後接受化療及電療，不過病情反覆，加上行動不便，現時除了到醫院接受治療外，他選擇留在家中休養、看電影消磨時間。昨晚，Koba在IG限時動態出Post，與網民玩Q & A，大部分網民都十分關注Koba現時的最新病情。
Koba透露接受電療後，痛楚是減輕了，不過精神不太好，體重亦跌了，「本身50KG，跌到45KG，呢兩日升返少少，46KG，要維持體重已經好辛苦，係一個大挑戰。電療一段時間後，到而家暫時都未有再出現劇痛，不過仍然間中會陰啲陰啲咁痛，有時又有啲骨痛。」
Koba又留言表示電療療程已經做完，現時只有等，「醫生安排7、8月去照唔同嘅嘢，睇完報告，睇吓咩情況再安排下一步。」
有位網民指自己跟Koba一樣不幸患了癌症，但現時已痊癒，希望Koba不要放棄，Koba留言回覆：「我希望會順利啦，我個腫瘤麻煩啲，喺啲神經附近，影響我活動能力，都未知要幾耐恢復，可以恢復到幾多。
圖片：IG@koba_mcn
