施匡翹（Zaina）日前趁今個月是生日月，推出與陳詠桐（JC）合唱歌《Girls Talk》，內容講及女生之間真摯的情感交流。首次與JC合唱，Zaina表示對方是她一直十分欣賞的歌手，很久之前已經很喜歡她的音樂風格，今次可以合作感到非常開心。
Zaina表示：「我同JC喺一個音樂會上認識，完騷之後我哋交換咗IG，之後一拍即合。拍MV之前，我哋特登約埋食咗幾餐飯，建立咗友誼基礎，先可以表達到歌詞內容，所以食飯嘅時候盡量去了解大家，希望MV可以表達到我哋平時嘅關係。（已經成為咗閨密？）係㗎，我哋鍾意啲嘢好類似，成日會傾吓化妝同扮靚。」
JC坦言很榮幸今次與Zaina合唱，感覺很新鮮，「近年好少女女合唱，但每次效果出嚟都幾好，所以一口答應。最難忘拍MV，我同Zaina有好特別嘅戲份，真係不得了，大家睇MV就會知道，希望大家多多支持我哋啦！」
在MV中，兩人化身好姊妹，在床上一起化妝、自拍、玩枕頭大戰，盡現深厚閨密情誼。至於MV男主角，今次Zaina特別邀請師弟華浩然（Wolris），Wolris指自己拍攝經驗不多，所以面對鏡頭會較為緊張，「我最難忘係餵師姐食嘢嗰一幕，因為我未試過向朋友表白，所以全部都係靠幻想去演。」
圖片：大會提供
