前《東張》主播丨黃穎君細談屋企破產交唔到學費 現為港區政協委員「是一份榮譽」

前《東張》主播丨黃穎君細談屋企破產交唔到學費 現為港區政協委員「是一份榮譽」

黃穎君(Burmie)畢業於香港大學教育系學士和香港中文大學社會學系碩士,2012年參選港姐而晉身娛樂圈,接演過不少劇集,亦是節目主持,最為觀眾所記得,必定是她在節目《東張西望》中勇闖曱甴屋;不過,自離開無綫後,她轉做文化體育及旅遊局媒體主任,離職後,她成為現任武漢市港區政協委員,她在社交平台留言道:「自2020年成為政協委員,是一份榮譽,更是一份責任。」

娛樂-明星-黃穎君-港區政協
圖片:新城

娛樂-明星-黃穎君-港區政協
圖片:新城

Burmie日前接受由好友漢陽主持的新城《詩歌有Guide》訪問,原來Burmie在大學時期,已經認識對方。對於Burmie由學生時期任職模特兒、選美、擔任《東張西望》主持、然後結婚生子、現時更成為武漢市港區政協委員,這一切都是Burmie的努力,難怪漢陽對她讚口不絕。

娛樂-明星-黃穎君-港區政協
圖片:IG@burmiewongwingkwan

其實,Burmie向來十分重視家庭,曾經因為經濟問題,需要半工讀完成大學課程,Burmie說:「大學初期,屋企同朋友合作,喺內地做製衣生意,可惜信錯朋友,導致生意失敗破產。喺大學一年級,有一日放學,我收到父母電話,佢哋問可唔可以唔讀大學,因為爸爸媽媽話冇錢,已經交唔到學費,當時我好冷靜,只係諗……咁辛苦考入大學……最後我冇放棄,開始諗辦法賺錢交每年嘅學費。」
為了堅持自己能夠完成大學,Burmie決定一日打7份工,邊返工邊讀書,「我做過派傳單、商場服務員幫顧客撳電梯按掣、又參加過I.T代言人大賽,因為勝出者贏取電腦;之後,我再參加工展小姐,因為有五萬蚊獎金,仲有電飯煲、水煲等電器獎品;之後再選港姐。」

娛樂-明星-黃穎君-港區政協
圖片:IGburmiewongwingkwan

前路雖然茫茫,但總會見到光明的一日,Burmie指有一天,在無綫收工準備回家之際,收到父母的來電,告知她債已經還清,「父母建議去旅行,但我就選擇咗將旅行錢,繼續讀碩士。」漢陽聽到Burmie的故事,也不禁說:「冇人係一帆風順,知道唔好抱怨,都唔好妒忌人哋嘅成功,每位成功人士背後都係付出過唔少努力,有一首詩歌我好鍾意,感覺陪住我走過每一步,每遇上挑戰,我就會想,呢首詩歌係《足印》。」