MIRROR成員邱士縉（Stanley）日前以嘉賓身份出席《Live the Game!》Phase 2活動，現場大展籃球身手，並與粉絲分享其獨特的「雞胸配咖啡」健身飲食法，展現籃神魅力。 Stanley笑言自己是多年NBA粉絲，今日出席此活動表示非常興奮！球技了得的Stanley活動前先到「NBA技術挑戰競技場」小試牛刀，短短1分鐘快速通過傳球、射球、運球四大關卡；甫踏入室內「NBA小型籃球場」，立即展現射籃功力和花式上籃，果然熱身過後狀態大勇，運動型男姿態冧爆現場粉絲！ Stanley表示：「我頭先打聽咗初賽參加者實力，定點射波嚟講都好似好唔錯，過關啦！細個教練成日同我哋講，射波有實際之餘，一定要有姿勢，唔係為咗型，真係調整到準繩度㗎！頭先決賽嗰陣我都特別金睛火眼，留意10位入圍Finals嘅朋友仔手勢！」 活動中，Stanley挑戰高難度的「神射手之三球連環擊」項目，需連續完成三次穿針投籃。雖然他謙稱「呢個有難度」，但仍成功兩度完成挑戰，贏得全場掌聲。
