新城廣播主持人黎莉、歌手安俊豪、鄺星宇及龔柯允代表《新城體育會》，4人分別在非電動跑步機上，以接力形式合力累積10公里。總經理（項目及商業事務）朱靜宜和項目總監葉碧梅特別到場為他們打氣。比賽過程中，由於非電動跑步機是依個人運動的速度，進行相對的移動，他們先後輪流跑，起初都比較難去控制速度，後來就越跑越順。

最後，他們以1小時37秒完成10公里賽事，跑最後一棒的黎莉，已經跑到索氣，汗流滿面。而鄺星宇和龔柯允跑得亦不錯，龔柯允接受《新城八大家》訪問時說：「其實一開始跑係有失控嘅情況，係難嘅，首先部機完全冇電，一開始未適應嘅時候，部機快我就越嚟越快，但我又唔想自己跑得咁快，因為擔心會冇氣，所以就慢慢跑，不過有少少好似要跌落地嘅感覺，所以要扶住，重新調節自己步伐，一啲都唔容易。（賽前有冇練跑？）今次冇呀，因為之前星期三我參與咗《新城體育會》搞嘅羽毛球活動，我當練咗！」

安俊豪表示賽前有兩個目標，一是不做包尾，二是希望1小時內完成，但結果以1小時37秒完成，他認為都尚算滿意，如果下次再參與，必定會跑出更好的成績。原來今次安俊豪帶病上陣，全程都是「死頂」，他說：「近排我要交歌，我哋呢啲音樂人，夜晚先至會有靈感，想瞓覺嘅時候，就諗到一啲旋律，於是即刻起身錄音，所以呢3、4日，我都瞓得唔好，再加上我啱啱搭長途車，唔夠瞓好容易暈車浪，所以我一嚟到就要去洗手間，清咗腸胃先去跑，不過我而家ok。」

圖片：新城

The post 《新城體育會》丨參與跑步機挑戰賽 安俊豪帶病上陣：清咗腸胃先去跑 appeared first on .

經常參與羽毛球活動的龔柯允，今次連同樣來自馬來西亞的Sean也叫來，正所謂「唔係猛龍唔過江」，Sean自小學開始已經打羽毛球，更是校隊人馬，在球場上，他邊打邊指導龔柯允，調教她的打法。經過一輪熱身，Sean與施匡翹一組，鄺星宇與龔柯允一組，有Sean上陣，同組的施匡翹當然「冇有怕」啦！

Sean說：「佢（龔柯允）前日先問我要唔要打，但我前日喺馬來西亞飛過嚟，如果當日早幾個鐘同我講，我就可以帶埋我塊球拍嚟。」問他有沒有必殺技？Sean表示：「我好鍾意捉人哋反手，盡量唔開對方就手嗰一邊，如果對方用右手，我開波就盡量開左邊。以前喺馬來西亞會同一班歌手朋友，每星期打兩次，不過嚟香港比賽之後就冇打。」龔柯允表示做運動好好，「點解我會Keep住每個禮拜都嚟報名，因為人多打係好開心，又唔使諗嘢，可以放空。」Sean十分認同對方的說法。

至於施匡翹認為做運動要持之以恆，「平時我比較靜啲，會選擇做瑜伽，雖然可以訓練力量，但我發覺唱歌，反而要練帶氧運動，例如跑步、跳舞，我跳番舞，因為想爆發力勁啲，而羽毛球都幫助到，有時揮拍嗰下要大力啲。（打羽毛球要有伴，可以約馬浚偉？）係呀，佢真係好好，因為呢個羽毛球活動係每個星期都有，我就唔使特登去約人，有興趣嘅人都可以嚟，呢件事好健康。」施匡翹直言如果男仔識運動，特別會加分，她笑說：「代表佢身體都健康啲。」

此外，鄺星宇不擅長地面的運動，他笑說：「我鍾意潛水、游水，之前去馬來西亞仙本那（Semporna）考牌，考完牌去食海鮮，勁開心，瀨尿蝦有手臂咁長，買咗10隻都係百幾蚊，因為我係咁講價。」龔柯允提議大家組團去馬來西亞，食海鮮食榴槤，「我喺食方面會叻啲！」

圖片：新城

The post 《新城體育會》丨龔柯允Call同鄉沈宗賢應戰 施匡翹特別鍾情愛運動男士 appeared first on .

The post 《新城義工隊》《新城體育會》參與愛心跑 鼓勵大眾將運動融入生活 appeared first on .