The post 《勁爆樂勢力》｜鄧小巧未曾聽聞鄭欣宜復出 親揭閨密群組無聊對談日常 appeared first on .

The post 勁爆2025｜林家謙、李幸倪、MC張天賦各奪3獎 一文睇清頒獎禮亮點 勁爆年度歌係邊首？ appeared first on .

踏入2025年，不少歌手都在社交平台寫下新年願望，人妻鄧小巧則趕在農曆年來臨前大掃除，在舊物中翻出一張令網民驚艷、中學時代的舊照，她說：「人生冇咩事都真係唔好亂執嘢，一個唔小心見到中六嘅自己真係心都離一離，原來我有咁瘦過。」

舊照所見，長髮披肩的小巧站在背板寫上「第二屆離島區傑出學生選舉頒獎典禮」的台上唱歌，她續解畫表示：「呢個係我人生第一次唱歌賺錢，有$500蚊車馬費，作為學生嘅我真係覺得好多㗎啦，仲記得當時唱《Beautiful Love》。」

The post 少女舊照出土超驚艷　鄧小巧：「原來我有咁瘦過？」網民大讚清新 appeared first on .

The post 《勁爆2024》完整得獎名單|張敬軒成大贏家 林家謙、Gin Lee奪勁爆男、女歌手金獎 appeared first on .

The post 《勁爆2024》|「勁爆年度歌曲」音統會內部投票走勢曝光 張敬軒對決四大唱作人 appeared first on .

The post 《勁爆2024》|馮允謙走勢強勁 Gin Lee 炎明熹爭勁爆女歌手 Lolly Talk力抗4隊男子組 appeared first on .

《神愛世人》得來不易，小巧說是一個偶然，或可看成是願望顯化，她補充：「是意念創造實相、信念改變命運……」緣於小巧一次訪問中，她許願希望能演唱Yoga寫的作品，機緣巧合下，Yoga經粉絲轉載看到報道，對來自香港的小巧留下印象。不知過了多久，某天Yoga在台北，因為找不到車位快要爆炸時，忽然想起小巧，然後在腦海完成了整首歌的旋律……這首天掉下來的歌曲，就是《神愛世人》。

節目完結後鄧小巧跟《娛樂八大家》繼續聊天，由台北談到香港，再由香港談到加拿大，小巧與白先生由卡加利回流一年多了，相信白先生沒有想過，會橫跨半個地球來到香港落地生根。「我初到Calgary生活時好不習慣，尤其是外出要餐餐食西餐；白先生適應能力比我強，他愈來愈接受到食中餐，雖然暫時都未迫到他陪我飲茶、一盎兩件。」

帶住老公回流香港，小巧再次簽約唱片公司，繼續造自己喜歡的音樂，白先生會是頭號歌迷？「白先生唔鍾意聽我啲歌，他鍾意聽Heavy metal music，還問我：『點解亞洲歌手的歌都咁傷感？我（的音樂）不是他的type，但我本人是他的type，哈哈哈。」可能是最甜蜜的控訴，小巧說白先生也有投訴，「返到香港做歌手，當然工作量會多，每當我多工作他都會詐型，就算放假出街，他都會投訴『你又唔化妝？』，有時我們晚黑去餐廳食飯，他都想我dress up一下。」

白先生嚮往熱帶生活，人在香港樣樣都新奇，樣樣都有趣。「他說最估不到是，可以將興趣化為事業，來到香港後竟然成功轉行，現在他是一位健身教練。加拿大人屋企多數有gym room，不似香港有上健身室需要，他好開心可以轉行。」土地問題，香港人最缺乏空間，小巧與丈夫回流後擇居村屋，「我喜歡種花種瓜種菜，不能住市區，住村屋至少有個大天台，除了種花，我們還種青檸、蘆筍、紫蘇、通菜及薄荷……」無論身在香港還是卡加利，幸福總在身邊。

The post 加拿大回流住村屋種瓜種菜 鄧小巧甜蜜控訴：老公唔鍾意聽我啲歌！ appeared first on .

一眾歌手陳曉東、孫耀威、陳柏宇、林家謙、泳兒、陳健安、鄧小巧、曾比特、黃淑蔓、JC陳詠彤、陳葦璇、張馳豪、施匡翹、鍾柔美、詹天文、安俊豪、力臻、林智樂、羅啟豪、VSing、Beanies、VIVA，以及久未露面的張可頤，獲邀親到現場表演。

至於大會司儀方面，則有范振鋒、T.MAX、思敏及陳以禔，而分別代表新城廣播的娛樂、網上（新城八大家、MBO TV）、音樂及生活、財經4大節目範疇，為台慶Show揭開序幕。

打頭陣有環節《Z 世代歌手騷 Quali》，由T. MAX唱《大細路》、JC 陳詠彤與施匡翹唱《Girls Talk》、黃淑蔓唱《我的受保護動物》、林智樂唱《年輪海》、Beanies唱《小氣簿》、張馳豪唱《Dirty Rhythm》、鍾柔美唱《Crack!》、詹天文唱《麻煩彈開》，以及VIVA唱《DTR》。

第二個環節《新城廣播劇團 – 共創未來》，有台慶廣播劇《共創未來》的演聲歌手陳柏宇、泳兒、力臻 、陳健安及范振鋒在台上分享角色外，更預告劇情，並以「讀白」配合泳兒的《Ride It Out》、陳健安的《戀愛腦之死》、陳柏宇的《可靠我》。

至於特別嘉賓張可頤在台上上演「傾心‧時刻」Talk Show，在這個小型分享會中，可頤與觀眾分享人生感悟。事後，張可頤向《新城八大家》表示，與馬浚偉相識已久，於是答應他做這個Talk Show，「好多謝咁有靈魂嘅電台，今晚可以畀我分享到一啲有關身心靈嘅啟發，我更加希望新城可以為我哋香港人繼續發光發亮，傳播多啲為我哋社會現狀、氣氛可以uplifting啲。」

及後，羅啟豪、組合VSing在環節《回味‧那些年的歌》中，獻唱一系列 33 年的勁爆金曲，包括《屈到病》、《夏日傾情》、《如果有一天》、《愛的呼喚》、《囍帖街》、《青春常駐》、《痛愛》、《愛得太遲》、《好心分手》、《高山低谷》、《再見二丁目》、《天梯》、 《女神》、《一人之境》、《我們都是這樣長大的》。

而陳曉東獻唱經典歌《一萬年》後，在台上說：「今日特登返嚟，恭祝新城33周年快樂！」接著演繹新歌《大細路》。《原來生活好快樂》主持程凱欣和麥卓華即場做了一個星級會客室，陳曉東笑說：「都有啲緊張，除咗老朋友之外，仲有高層坐喺台下㗎嘛！」之後孫耀威出場，兩人笑言是新晉男團，團名叫「BLACK 2」，陳曉東與孫耀威合唱《那誰》，而孫耀威再獨唱《愛的故事(上集)》，掀起大家不少回憶！事後，兩人表示特登由外地返港出席，陳曉東說：「新城睇住我哋大！」孫耀威表示：「今日參加呢個生日party，突然間諗起我第一次參加勁爆頒獎禮，原來已經30年前，所以時間過得真係好快。」

由啤梨主持的皇牌節目《卡 LIVE O! BABE》搞了一個星級現場版，並邀請鄧小巧、 曾比特 、陳葦璇、和力臻分別唱歌。而黎莉在台下即場找來安俊豪唱歌。

新城廣播「鎮台之寶」薛家燕聯同家燕媽媽藝術中心學生用一曲《Sexy Music》，范振鋒指她經常笑面迎人，家燕姐表示：「成日笑，人都會靚啲，所以一日要笑三次。」每年為新城廣播台慶全力以赴表演的家燕姐，她說：「其實我啱啱接咗廣東廣播電視台嘅邀請，本來今日要上去做中秋節晚會個騷，但因為新城台慶，所以我都推咗，我同學生講今日嚟參與台慶，一個開心嘅節目，我又諗每年台慶我都有出席，今年有咩特別呢，不如整個特別啲嘅頭髮啦，襯番件衫，我又諗到同曾比特……哈哈哈，同佢個頭咁夾，佢話終於有人同佢一樣爆炸頭。」曾比特笑說：「竟然有人爆炸頭，即係大家對我呢個頭一個認可。」他指跟新城有很大的淵源，「喺2015年，啱啱讀完書投身社會嘅時候，我開始參加一啲歌唱比賽，唔記得全名係咩油尖旺區比賽，我贏咗冠軍，發覺原來新城有份搞，我人生第一次去電台做訪問，就係新城。」

林家謙以壓軸表演嘉賓出場，先後獻唱《一人之境》、《在空中的這一秒》，他表示跟新城廣播一樣今年33 歲。及後，新城廣播有限公司董事總經理宋文禧、首席營運總監馬浚偉率領管理層及節目主持、歌手進行切蛋糕儀式。

談到與新城廣播的回憶殺，一眾歌手向《新城八大家》透露，都是開心印象，鄧小巧說：「我記得做會展嘅Show，都係因為新城，好緊張呀，因為當時我只係出道兩年，有個咁大嘅舞台表演，真係好開心。」泳兒則說：「對新城最深印象係同好多歌手一齊做Show，好似一個聚會，但又可以表演。」陳健安指C AllStar曾參與很多由新城舉辦的騷，所以算是一起成長。陳詠桐表示新城廣播有MBO TV，是一個好好的進化，對她而言，多了一個平台一展所長，她笑言如果找她做節目，她希望做飲食節目。
家住黃埔的陳柏宇，他笑言會街坊Look去新城廣播做訪問，「近呢幾次去新城都過癮，傾偈模式同以前唔同咗，以前淨係傾歌，可能合作多咗、熟咗，傾多咗因歌題材而產生嘅話題，咁樣我好鍾意！」首次參與新台慶的羅啟豪，開心與組合VSing合作，大讚對方很專業，感覺很新鮮又有火花。

施匡翹透露人生第一個奬是新城頒給她，「對我嚟講好有義意，而且我第一個廣播劇都係新城，我記得係同啤梨一齊做，當時自己係新人，乜都唔識，所以都畀佢哋笑我係一個好木獨嘅人，因為我唔係好敢講嘢，新城係見證我一步一步嘅成長。」出道三個多月的VIVA，她們表示：「記得我哋第一次嚟新城廣播，Mani（經理人）同我哋一齊去，我哋4個係超級緊張，而且都好難忘，因為嗰次講到甩甩咳咳，唔知道一個訪問係應該點做，不過而家慢慢進步。

至於跟新城廣播同樣33歲的林家謙，「我覺得33好鬆化，哈哈哈。其實我以前好鍾意聽《卡拉O!Babe》、《恐怖熱線》，嗰陣時10歲都唔夠，聽呢啲嘢覺得好刺激。（有冇見到啤梨？）有呀，見到，但唔會好敢講嘢，唔好失禮人，失禮自己。祝新城有無限個33333，3好意頭呀！」

指定贊助：聚大金鳳、板町飲品、理文商業中心、易賞錢MoneyBack、百佳、屈臣氏、豐澤、perFACE 醫學美容集團、屈臣氏蒸餾水、神之約定

圖片：新城

The post 新城廣播33周年台慶眾星獻藝 分享與電台難忘時刻 appeared first on .

提及日前許廷鏗與中國香港隊男子單打羽毛球代表李卓耀打波，他指對方打完奧運，完全沒有疲態。JY問：「對住你係咪出100%全力？」許廷鏗笑說：「梗係唔係啦，點呀？我咩歲數呀？」他又表示雖然愛打羽毛球，但很難Book場地。JY指「新城體育會」逢周三會舉行羽毛球活動，許廷鏗說：「我知呀，馬生（新城廣播首席營運總監馬浚偉）都打。」T.MAX說：「搵一次過嚟同馬生切磋下？睇下馬生勁啲定李卓耀勁啲？」許廷鏗立即語窒：「唔…喺呢個台正常答馬生，但應該真係李卓耀勁啲嘅…不如我哋唱下歌吖，好唔好呀？」

事後，許廷鏗接受《新城八大家》訪問，他指自己很幸運，跟李卓耀打羽毛球，「佢返咗嚟香港，有幾日休息都嚟同我打波。（本身認識對方？）我同佢嘅經理人有打開波，不過佢經理人好渣，但李卓耀就好勁，對於我嚟講，佢係載譽歸來，佢世界排名十七，我完全唔夠佢砌，我輸十一比二，去到十一分我已經好攰，但我贏到兩分已經好叻。」許廷鏗指李卓耀雖然在巴黎奧運未能晉級16強，但大讚他的心態很好，「我同佢打嘅時候簡直感同身受，佢都有同我分享，當打波嘅時候畀人打亂咗個節奏，而自己嘅呼吸好難調整，準繩度都會下降，但佢都話而家係儲經驗嘅階段，仍然係一個好當打嘅歲數，四年之後再有奧運嘅時候，希望會有更加好嘅成績，我覺得以第一次入奧運嘅選手嚟講，佢係超額完成。」

至於鄧小巧指自己不斷重看中國國家隊的全紅嬋施展的「水花消失術」，她笑說：「佢好犀利，同埋佢好得意，當然我亦有睇好多中國香港隊嘅賽事，但好多賽事都係半夜進行，我唯有第二朝起身睇番，因為我真係捱唔到，去到十二點幾已經眼瞓。」她又指運動員能夠去到奧運這個大舞台，已經是世界前列的排名，無論成與敗都是一個肯定。

曾是乒乓波校隊隊員的力臻，直言欣賞乒乓波賽事最有共鳴，「尤其是團體賽，因為我細個都係打團體賽多啲，好需要團體精神，令我諗番起中學時候嘅回憶，而且我做過幾年乒乓波球嘅助教，試過帶人出去比賽，見到教練同球員互相鼓勵、傾偈，感覺好強。」黃明德曾是排球校隊隊員，以前只會欣賞排球賽事，但從上屆東京奧運開始，張家朗奪得金牌，漸漸多關注中國香港的體育。林芊瑩就有看划艇賽事支持中國香港隊，還有欣澳游水、劍擊、乒乓波等項目，「每個賽事都睇到我標晒汗。」

兩位主持T.MAX和JY直言追看賽事至通宵達旦，T.MAX笑說：「我哋每次開咪嘅精神狀態都係好恍惚。」JY表示喜歡看球類賽事，如籃球、足球、排球、乒乓波、手球，而羽毛球賽事，他笑言被日本女選手志田千陽吸引，T.MAX則說：「我都係日本，但係乒乓波嘅張本智和，佢打得好好，我亦都鍾意睇排球、跳水，全紅嬋真係好勁，真係水花消失術；仲有足球方面，法國對西班牙嘅金牌戰，我睇到頭十五分鐘以為睇完，點知踢到後面，三比三，再加時西班牙入多兩球，真係好好睇。」

此外，適逢力臻在8月7日牛一，黃明德在8月12日生日，新城廣播特意向兩人送上生日蛋糕，他們感到十分驚喜，黃明德開心地說：「真係超驚喜，我感受到呢個行業帶畀我嘅溫暖，因為係第一個同我慶祝，真心好surprise、好開心。（生日願望？）我希望可以成為一個唱作人，好似我嘅偶像李榮浩先生，可以喺音樂上達到領域同成就。」力臻亦很開心可以跟黃明德一起慶祝，生日願望是身體健康，亦希望自己的歌曲繼續進步，令大家更認識和喜歡力臻這個人。

The post Z世代咪高峰Show之齊撐運動員丨許廷鏗與李卓耀打羽毛球贏到兩分 鄧小巧最愛全紅嬋「水花消失術」 appeared first on .

The post 新歌獲偶像林宥嘉加持 鄧小巧無法相信以為是騙案 appeared first on .