Madam Lo批『中年好聲音』選完出嚟可以直接拍戲

Madam Lo先說出以前拍戲年代有戲劇大師鍾景輝（King sir）教導，使他們獲益良多。再說到現在：「依家唔係呀，『好聲音』唱吓歌又話得喇，賣吓廣告又話拍啦！香港先生香港小姐又出嚟拍，真係拗晒頭依家咁嘅！」吳浣儀則表示目前後輩根基不足。

Madam Lo爆有年輕一輩教佢做戲：我使乜理佢

Madam Lo認為不懂演戲也不緊要，但教她演戲認為是一件離譜的事，Madam Lo笑說：「佢仲要教人，試過叫我呢句對白『妳應該要咁樣講』，我望下佢我又唔答，我咪照我自己做囉，我使乜理佢。」

Madam Lo批外景拍戲有藝人帶一班人一齊開工極不解

吳浣儀十分認同，也分享現時拍戲看見很多演員拍戲也帶了一班人出來工作，也不明白為什麼，指當年入行時候未體驗過這些事。Madam Lo坦言：「我睇見啲人外景我都作嘔，一個擔遮、一個拎杯茶、一個撥扇，大佬依家咩事呀。我覺得此風不可長，我哋以前做戲邊有咁，點解會搞到咁，我真係唔明。」

楊紹鴻加把口鬧年輕演員唔識尊重

楊紹鴻亦指現時年輕演員不懂尊重，他爆出當年已故演員李香琴說拍《溏心風暴》時有名演員曾對她做過一件事：「有個演員行埋去同佢講，『琴姐，你攰唔攰呀。琴姐你嗌冧啦，你冧咪Cancel。』（邊個嚟）主角嚟嘅。」

The post 盧宛茵指年輕一輩演員青黃不接　仲爆被教做戲：此風不可長 appeared first on .