熱愛運動的馬浚偉表示運動除了有益身心，亦可以從中結識不同界別的朋友，就如在今次羽毛球活動中，就有金融、零售、音樂行業的好友齊齊打波交流，他形容為是一場「運動外交」。

安雅希笑指自己的第一次獻給新城廣播，本身打開排球的她，打羽毛球都打得有板有眼，她謙虛地說：「我亂咁打咋，其實已經有差唔多大約一年冇打過羽毛球。」在旁的Sean大讚她：「佢優勢係個人夠高，打前波好有優勢，只係腳步執返正確就會好勁。」安雅希聞後立即哈哈大笑說：「我仲有個優勢，我仲好靚添！」同為唱家班的兩人，異口同聲表示唱歌難過打羽毛球，Sean表示：「唱歌係一種情感抒發，每首歌都要用唔同感情去演繹，打波就唔一樣，唔使呢場柔啲，下一場rock啲，打波係要有步法、手法同氣魄，就已經可以去打。」

至於90後的Kiko有3年沒打過羽毛球，她指自己比較喜歡打籃球，同時亦參加過明星籃球隊，強項是射波。Kiko指自己入行，曾任職不同醫療部門的護士，故人稱「護士達人」、「唐姑娘」。她經常將「健康」掛在嘴邊，Kiko表示對健康管理非常有心得，她說：「我平時會食保健品，又做好多運動，有個操馬甲線秘訣，就係喺屋企用瑜伽墊做腰部運動，例如踏單車和sit up，做15分鐘就夠。」

圖片：新城

The post 新城體育會丨馬浚偉凝聚不同界別切磋球技 以運動外交建立交流網絡 appeared first on .

經常參與羽毛球活動的龔柯允，今次連同樣來自馬來西亞的Sean也叫來，正所謂「唔係猛龍唔過江」，Sean自小學開始已經打羽毛球，更是校隊人馬，在球場上，他邊打邊指導龔柯允，調教她的打法。經過一輪熱身，Sean與施匡翹一組，鄺星宇與龔柯允一組，有Sean上陣，同組的施匡翹當然「冇有怕」啦！

Sean說：「佢（龔柯允）前日先問我要唔要打，但我前日喺馬來西亞飛過嚟，如果當日早幾個鐘同我講，我就可以帶埋我塊球拍嚟。」問他有沒有必殺技？Sean表示：「我好鍾意捉人哋反手，盡量唔開對方就手嗰一邊，如果對方用右手，我開波就盡量開左邊。以前喺馬來西亞會同一班歌手朋友，每星期打兩次，不過嚟香港比賽之後就冇打。」龔柯允表示做運動好好，「點解我會Keep住每個禮拜都嚟報名，因為人多打係好開心，又唔使諗嘢，可以放空。」Sean十分認同對方的說法。

至於施匡翹認為做運動要持之以恆，「平時我比較靜啲，會選擇做瑜伽，雖然可以訓練力量，但我發覺唱歌，反而要練帶氧運動，例如跑步、跳舞，我跳番舞，因為想爆發力勁啲，而羽毛球都幫助到，有時揮拍嗰下要大力啲。（打羽毛球要有伴，可以約馬浚偉？）係呀，佢真係好好，因為呢個羽毛球活動係每個星期都有，我就唔使特登去約人，有興趣嘅人都可以嚟，呢件事好健康。」施匡翹直言如果男仔識運動，特別會加分，她笑說：「代表佢身體都健康啲。」

此外，鄺星宇不擅長地面的運動，他笑說：「我鍾意潛水、游水，之前去馬來西亞仙本那（Semporna）考牌，考完牌去食海鮮，勁開心，瀨尿蝦有手臂咁長，買咗10隻都係百幾蚊，因為我係咁講價。」龔柯允提議大家組團去馬來西亞，食海鮮食榴槤，「我喺食方面會叻啲！」

圖片：新城

The post 《新城體育會》丨龔柯允Call同鄉沈宗賢應戰 施匡翹特別鍾情愛運動男士 appeared first on .