是日Mike登陸新城廣播接受《國語力》等節目錄音訪問，談到「爆炸糖」等了又等的新歌《Talk To Me》由誕生到勇奪國語力排行榜兩周冠軍，坦言非常非常開心，及後Mike跟「新城八大家」再分享喜悅兼總結2024年，「2024年好好彩有我的爆炸糖，有你們我才我有信心繼續行落去，今年發生咗好多唔同嘅事，大家都等咗好耐先等到我首歌誕生，先多謝大家，未來日子希望出多啲唔同類型嘅歌畀大家聽。」

今年成績不錯，爆炸糖會期待睇到你上頒獎台？Mike一臉平常心道：「頒獎禮嚟緊啦，我嘅粉絲當然會睇好我，但一切自有上天安排。獎唔獎我哋唔緊要嘅，最緊要多啲唔同類型的歌，滿足到大家，又滿足到每一個鍾意聽我唱歌嘅朋友。」

《Talk To Me》靈感來自過去一年Mike自身的經歷，「有一個好好的姐姐離開咗我，原來當你遇到問題，身邊有一個人給你安慰、支持好重要。當事情發生，就是迫你去思考，有冇可能做到一首歌for一些需要療癒的人？如果身邊沒有人給你倚賴，係咪都可以有一首歌去陪伴你呢？」

Mike說他習慣當聆聽者，他本人向傾向報喜不報憂，「當有憂心的事情要解決，我通常會選擇去跑步，出一身汗就會舒服好多。」至於他的「喜」，當然是率先跟爆炸糖及家人開心分享，「仲有一個人，牠就是我的狗仔Waffle，返到屋企就第一時間搵佢傾偈，講晒所有開心事畀佢聽。」

節目重溫：https://www.metroradio.com.hk/MetroInfo/

圖片：新城、IG＠mikeeeee___

The post 國語力 | 曾比特《Talk To Me》撫慰人心 登新城國語力排行榜兩周冠軍 appeared first on .

The post 陳豪現身馬場調咖啡雞尾酒 為歌手帶來全新味覺體驗 appeared first on .

The post 《Beats of Eternity 音樂會》三代歌手獻唱經典 陳豪化身咖啡調酒師 鄭秀文壓軸登場 appeared first on .

一眾歌手陳曉東、孫耀威、陳柏宇、林家謙、泳兒、陳健安、鄧小巧、曾比特、黃淑蔓、JC陳詠彤、陳葦璇、張馳豪、施匡翹、鍾柔美、詹天文、安俊豪、力臻、林智樂、羅啟豪、VSing、Beanies、VIVA，以及久未露面的張可頤，獲邀親到現場表演。

至於大會司儀方面，則有范振鋒、T.MAX、思敏及陳以禔，而分別代表新城廣播的娛樂、網上（新城八大家、MBO TV）、音樂及生活、財經4大節目範疇，為台慶Show揭開序幕。

打頭陣有環節《Z 世代歌手騷 Quali》，由T. MAX唱《大細路》、JC 陳詠彤與施匡翹唱《Girls Talk》、黃淑蔓唱《我的受保護動物》、林智樂唱《年輪海》、Beanies唱《小氣簿》、張馳豪唱《Dirty Rhythm》、鍾柔美唱《Crack!》、詹天文唱《麻煩彈開》，以及VIVA唱《DTR》。

第二個環節《新城廣播劇團 – 共創未來》，有台慶廣播劇《共創未來》的演聲歌手陳柏宇、泳兒、力臻 、陳健安及范振鋒在台上分享角色外，更預告劇情，並以「讀白」配合泳兒的《Ride It Out》、陳健安的《戀愛腦之死》、陳柏宇的《可靠我》。

至於特別嘉賓張可頤在台上上演「傾心‧時刻」Talk Show，在這個小型分享會中，可頤與觀眾分享人生感悟。事後，張可頤向《新城八大家》表示，與馬浚偉相識已久，於是答應他做這個Talk Show，「好多謝咁有靈魂嘅電台，今晚可以畀我分享到一啲有關身心靈嘅啟發，我更加希望新城可以為我哋香港人繼續發光發亮，傳播多啲為我哋社會現狀、氣氛可以uplifting啲。」

及後，羅啟豪、組合VSing在環節《回味‧那些年的歌》中，獻唱一系列 33 年的勁爆金曲，包括《屈到病》、《夏日傾情》、《如果有一天》、《愛的呼喚》、《囍帖街》、《青春常駐》、《痛愛》、《愛得太遲》、《好心分手》、《高山低谷》、《再見二丁目》、《天梯》、 《女神》、《一人之境》、《我們都是這樣長大的》。

而陳曉東獻唱經典歌《一萬年》後，在台上說：「今日特登返嚟，恭祝新城33周年快樂！」接著演繹新歌《大細路》。《原來生活好快樂》主持程凱欣和麥卓華即場做了一個星級會客室，陳曉東笑說：「都有啲緊張，除咗老朋友之外，仲有高層坐喺台下㗎嘛！」之後孫耀威出場，兩人笑言是新晉男團，團名叫「BLACK 2」，陳曉東與孫耀威合唱《那誰》，而孫耀威再獨唱《愛的故事(上集)》，掀起大家不少回憶！事後，兩人表示特登由外地返港出席，陳曉東說：「新城睇住我哋大！」孫耀威表示：「今日參加呢個生日party，突然間諗起我第一次參加勁爆頒獎禮，原來已經30年前，所以時間過得真係好快。」

由啤梨主持的皇牌節目《卡 LIVE O! BABE》搞了一個星級現場版，並邀請鄧小巧、 曾比特 、陳葦璇、和力臻分別唱歌。而黎莉在台下即場找來安俊豪唱歌。

新城廣播「鎮台之寶」薛家燕聯同家燕媽媽藝術中心學生用一曲《Sexy Music》，范振鋒指她經常笑面迎人，家燕姐表示：「成日笑，人都會靚啲，所以一日要笑三次。」每年為新城廣播台慶全力以赴表演的家燕姐，她說：「其實我啱啱接咗廣東廣播電視台嘅邀請，本來今日要上去做中秋節晚會個騷，但因為新城台慶，所以我都推咗，我同學生講今日嚟參與台慶，一個開心嘅節目，我又諗每年台慶我都有出席，今年有咩特別呢，不如整個特別啲嘅頭髮啦，襯番件衫，我又諗到同曾比特……哈哈哈，同佢個頭咁夾，佢話終於有人同佢一樣爆炸頭。」曾比特笑說：「竟然有人爆炸頭，即係大家對我呢個頭一個認可。」他指跟新城有很大的淵源，「喺2015年，啱啱讀完書投身社會嘅時候，我開始參加一啲歌唱比賽，唔記得全名係咩油尖旺區比賽，我贏咗冠軍，發覺原來新城有份搞，我人生第一次去電台做訪問，就係新城。」

林家謙以壓軸表演嘉賓出場，先後獻唱《一人之境》、《在空中的這一秒》，他表示跟新城廣播一樣今年33 歲。及後，新城廣播有限公司董事總經理宋文禧、首席營運總監馬浚偉率領管理層及節目主持、歌手進行切蛋糕儀式。

談到與新城廣播的回憶殺，一眾歌手向《新城八大家》透露，都是開心印象，鄧小巧說：「我記得做會展嘅Show，都係因為新城，好緊張呀，因為當時我只係出道兩年，有個咁大嘅舞台表演，真係好開心。」泳兒則說：「對新城最深印象係同好多歌手一齊做Show，好似一個聚會，但又可以表演。」陳健安指C AllStar曾參與很多由新城舉辦的騷，所以算是一起成長。陳詠桐表示新城廣播有MBO TV，是一個好好的進化，對她而言，多了一個平台一展所長，她笑言如果找她做節目，她希望做飲食節目。
家住黃埔的陳柏宇，他笑言會街坊Look去新城廣播做訪問，「近呢幾次去新城都過癮，傾偈模式同以前唔同咗，以前淨係傾歌，可能合作多咗、熟咗，傾多咗因歌題材而產生嘅話題，咁樣我好鍾意！」首次參與新台慶的羅啟豪，開心與組合VSing合作，大讚對方很專業，感覺很新鮮又有火花。

施匡翹透露人生第一個奬是新城頒給她，「對我嚟講好有義意，而且我第一個廣播劇都係新城，我記得係同啤梨一齊做，當時自己係新人，乜都唔識，所以都畀佢哋笑我係一個好木獨嘅人，因為我唔係好敢講嘢，新城係見證我一步一步嘅成長。」出道三個多月的VIVA，她們表示：「記得我哋第一次嚟新城廣播，Mani（經理人）同我哋一齊去，我哋4個係超級緊張，而且都好難忘，因為嗰次講到甩甩咳咳，唔知道一個訪問係應該點做，不過而家慢慢進步。

至於跟新城廣播同樣33歲的林家謙，「我覺得33好鬆化，哈哈哈。其實我以前好鍾意聽《卡拉O!Babe》、《恐怖熱線》，嗰陣時10歲都唔夠，聽呢啲嘢覺得好刺激。（有冇見到啤梨？）有呀，見到，但唔會好敢講嘢，唔好失禮人，失禮自己。祝新城有無限個33333，3好意頭呀！」

指定贊助：聚大金鳳、板町飲品、理文商業中心、易賞錢MoneyBack、百佳、屈臣氏、豐澤、perFACE 醫學美容集團、屈臣氏蒸餾水、神之約定

圖片：新城

The post 新城廣播33周年台慶眾星獻藝 分享與電台難忘時刻 appeared first on .