一眾歌手陳曉東、孫耀威、陳柏宇、林家謙、泳兒、陳健安、鄧小巧、曾比特、黃淑蔓、JC陳詠彤、陳葦璇、張馳豪、施匡翹、鍾柔美、詹天文、安俊豪、力臻、林智樂、羅啟豪、VSing、Beanies、VIVA，以及久未露面的張可頤，獲邀親到現場表演。

至於大會司儀方面，則有范振鋒、T.MAX、思敏及陳以禔，而分別代表新城廣播的娛樂、網上（新城八大家、MBO TV）、音樂及生活、財經4大節目範疇，為台慶Show揭開序幕。

打頭陣有環節《Z 世代歌手騷 Quali》，由T. MAX唱《大細路》、JC 陳詠彤與施匡翹唱《Girls Talk》、黃淑蔓唱《我的受保護動物》、林智樂唱《年輪海》、Beanies唱《小氣簿》、張馳豪唱《Dirty Rhythm》、鍾柔美唱《Crack!》、詹天文唱《麻煩彈開》，以及VIVA唱《DTR》。

第二個環節《新城廣播劇團 – 共創未來》，有台慶廣播劇《共創未來》的演聲歌手陳柏宇、泳兒、力臻 、陳健安及范振鋒在台上分享角色外，更預告劇情，並以「讀白」配合泳兒的《Ride It Out》、陳健安的《戀愛腦之死》、陳柏宇的《可靠我》。

至於特別嘉賓張可頤在台上上演「傾心‧時刻」Talk Show，在這個小型分享會中，可頤與觀眾分享人生感悟。事後，張可頤向《新城八大家》表示，與馬浚偉相識已久，於是答應他做這個Talk Show，「好多謝咁有靈魂嘅電台，今晚可以畀我分享到一啲有關身心靈嘅啟發，我更加希望新城可以為我哋香港人繼續發光發亮，傳播多啲為我哋社會現狀、氣氛可以uplifting啲。」

及後，羅啟豪、組合VSing在環節《回味‧那些年的歌》中，獻唱一系列 33 年的勁爆金曲，包括《屈到病》、《夏日傾情》、《如果有一天》、《愛的呼喚》、《囍帖街》、《青春常駐》、《痛愛》、《愛得太遲》、《好心分手》、《高山低谷》、《再見二丁目》、《天梯》、 《女神》、《一人之境》、《我們都是這樣長大的》。

而陳曉東獻唱經典歌《一萬年》後，在台上說：「今日特登返嚟，恭祝新城33周年快樂！」接著演繹新歌《大細路》。《原來生活好快樂》主持程凱欣和麥卓華即場做了一個星級會客室，陳曉東笑說：「都有啲緊張，除咗老朋友之外，仲有高層坐喺台下㗎嘛！」之後孫耀威出場，兩人笑言是新晉男團，團名叫「BLACK 2」，陳曉東與孫耀威合唱《那誰》，而孫耀威再獨唱《愛的故事(上集)》，掀起大家不少回憶！事後，兩人表示特登由外地返港出席，陳曉東說：「新城睇住我哋大！」孫耀威表示：「今日參加呢個生日party，突然間諗起我第一次參加勁爆頒獎禮，原來已經30年前，所以時間過得真係好快。」

由啤梨主持的皇牌節目《卡 LIVE O! BABE》搞了一個星級現場版，並邀請鄧小巧、 曾比特 、陳葦璇、和力臻分別唱歌。而黎莉在台下即場找來安俊豪唱歌。

新城廣播「鎮台之寶」薛家燕聯同家燕媽媽藝術中心學生用一曲《Sexy Music》，范振鋒指她經常笑面迎人，家燕姐表示：「成日笑，人都會靚啲，所以一日要笑三次。」每年為新城廣播台慶全力以赴表演的家燕姐，她說：「其實我啱啱接咗廣東廣播電視台嘅邀請，本來今日要上去做中秋節晚會個騷，但因為新城台慶，所以我都推咗，我同學生講今日嚟參與台慶，一個開心嘅節目，我又諗每年台慶我都有出席，今年有咩特別呢，不如整個特別啲嘅頭髮啦，襯番件衫，我又諗到同曾比特……哈哈哈，同佢個頭咁夾，佢話終於有人同佢一樣爆炸頭。」曾比特笑說：「竟然有人爆炸頭，即係大家對我呢個頭一個認可。」他指跟新城有很大的淵源，「喺2015年，啱啱讀完書投身社會嘅時候，我開始參加一啲歌唱比賽，唔記得全名係咩油尖旺區比賽，我贏咗冠軍，發覺原來新城有份搞，我人生第一次去電台做訪問，就係新城。」

林家謙以壓軸表演嘉賓出場，先後獻唱《一人之境》、《在空中的這一秒》，他表示跟新城廣播一樣今年33 歲。及後，新城廣播有限公司董事總經理宋文禧、首席營運總監馬浚偉率領管理層及節目主持、歌手進行切蛋糕儀式。

談到與新城廣播的回憶殺，一眾歌手向《新城八大家》透露，都是開心印象，鄧小巧說：「我記得做會展嘅Show，都係因為新城，好緊張呀，因為當時我只係出道兩年，有個咁大嘅舞台表演，真係好開心。」泳兒則說：「對新城最深印象係同好多歌手一齊做Show，好似一個聚會，但又可以表演。」陳健安指C AllStar曾參與很多由新城舉辦的騷，所以算是一起成長。陳詠桐表示新城廣播有MBO TV，是一個好好的進化，對她而言，多了一個平台一展所長，她笑言如果找她做節目，她希望做飲食節目。
家住黃埔的陳柏宇，他笑言會街坊Look去新城廣播做訪問，「近呢幾次去新城都過癮，傾偈模式同以前唔同咗，以前淨係傾歌，可能合作多咗、熟咗，傾多咗因歌題材而產生嘅話題，咁樣我好鍾意！」首次參與新台慶的羅啟豪，開心與組合VSing合作，大讚對方很專業，感覺很新鮮又有火花。

施匡翹透露人生第一個奬是新城頒給她，「對我嚟講好有義意，而且我第一個廣播劇都係新城，我記得係同啤梨一齊做，當時自己係新人，乜都唔識，所以都畀佢哋笑我係一個好木獨嘅人，因為我唔係好敢講嘢，新城係見證我一步一步嘅成長。」出道三個多月的VIVA，她們表示：「記得我哋第一次嚟新城廣播，Mani（經理人）同我哋一齊去，我哋4個係超級緊張，而且都好難忘，因為嗰次講到甩甩咳咳，唔知道一個訪問係應該點做，不過而家慢慢進步。

至於跟新城廣播同樣33歲的林家謙，「我覺得33好鬆化，哈哈哈。其實我以前好鍾意聽《卡拉O!Babe》、《恐怖熱線》，嗰陣時10歲都唔夠，聽呢啲嘢覺得好刺激。（有冇見到啤梨？）有呀，見到，但唔會好敢講嘢，唔好失禮人，失禮自己。祝新城有無限個33333，3好意頭呀！」

指定贊助：聚大金鳳、板町飲品、理文商業中心、易賞錢MoneyBack、百佳、屈臣氏、豐澤、perFACE 醫學美容集團、屈臣氏蒸餾水、神之約定

圖片：新城

The post 新城廣播33周年台慶眾星獻藝 分享與電台難忘時刻 appeared first on .

The post 新城廣播劇團丨《共創未來》踏入結局周 4位聲演歌手將現身新城台慶 appeared first on .

由今年1月開始，新城廣播在董事總經理宋文禧先生及首席營運總監馬浚偉先生的領導下，迎來了全新的發展篇章。馬浚偉先生以其專業和敏銳的領導，帶領新城廣播不斷突破創新，全力發展全媒體，成立了新城八大家及MBO TV網絡電視。

根據官方統計，新城廣播所有平台網站、手機APP、MBO TV網絡電視等接觸層面，瀏覽次數急劇暴升。新城廣播有限公司今日正式公布，截至上半年6月份，全媒體瀏覽量高達5,000萬次。馬浚偉先生開心表示：「非常之感恩，我哋好有信心去到年尾，整個全媒體的全年閱讀量可累積到一億，相信呢個增幅依然會持續，我哋會繼續去強化社交媒體、MBOTV、網絡新聞、新城八大家，希望大家密切留意。」
馬浚偉先生感謝集團和宋文禧先生對他的信任，及同事們的努力。為感謝同事們全不計較的拼搏，馬浚偉先生經常「萬歲」，不時貼心親自選購外賣小食或甜點慰勞各部門同事，近日天氣炎熱，則選了精美蛋糕及啫喱給同事作下午茶點心，他稱：「同事們背後付出好多努力先至有咁好成績，好多謝大家，感謝同事們為新城努力創出好成績。」至於知訊台、財經台及采訊台的收聽率同時亦節節上升，馬浚偉先生開心有不少聽眾有正面反應，承諾會繼續優化新城廣播。

圖片 : 新城

The post 台慶前夕首席營運總監馬浚偉報喜 新城全媒體上半年瀏覽量高達5,000萬次 appeared first on .