新城廣播知訊台全新節目《新城文化會館——戲曲大世界》由葉泳詩主持，再請來固定嘉賓主持吳國亮及黎宇文一起開咪。節目逢星期一，下午5時至6時帶大家一起深入探討戲曲文化。葉泳詩認為，先前沒有太多人會以戲曲為主題開設節目，現在有眾多文化主題，戲曲仿佛變成小眾，其實昔日是一個主流的文化，坦言希望透過節目讓更多人知道，戲曲的世界其實很大。 葉泳詩分享戲曲曾加入Hip Hop 演奏風格好年輕 《新城文化會館》星期一的固定環節，名稱叫做《戲曲大世界》，葉泳詩透露節目內容顧名思義是包羅萬有，例如戲曲追上潮流：「其實行裡面有好多人做緊唔同跨界嘅創新，佢哋本身有戲曲底，原來仲識做影視、舞蹈等，想知佢哋會為戲曲帶嚟咩新衝擊，行得更闊同遠呢點都想畀觀眾知道。我哋之前都Crossover一個戲曲加Hip Hop，兩個創作人都好後生，做得好好聽，我哋又會播畀觀眾聽。」 吳國亮望打破人們對戲曲成見：呢幾十年開始戲曲變得邊緣 吳國亮認為節目名稱改得非常好，因為大世界意思是可以說如何與世界接軌，也同時希望戲曲能跟上世界的步伐：「全世界做緊唔同嘅嘢，如果只企喺度唔理世界，唔變化係有啲可惜。變化咗之後可能會令新一代感興趣，咁可以打破我哋戲曲同粵劇畀人嘅成見。之前戲曲係主流文化，但呢幾十年開始慢慢各種原因變成邊緣同埋有少少負面嘅感覺出咗嚟。」 葉泳詩將節目視為戲曲入門 「畀有興趣嘅人進入」 葉泳詩做這個節目時強調不希望是做一個教育電視，是希望找來不同嘉賓讓大家進入戲曲世界，「對於大家嚟講戲曲係咩世界？我開始做呢個環節時候，希望係一啲未進入呢個世界，佢又有啲興趣，但因為種種原因卻步嘅朋友，起碼畀一個方法佢進入。」 心思思想接觸戲曲？ 3個「入坑」小貼士 二人為了希望有更多人願意嘗試接觸戲曲，趁是次訪問的機會，向有興趣的朋友分享3個小貼士，可以踏出第一步走進戲曲大世界，展開探索之旅： 從興趣點開始出發，例如2023年以唐滌生創作的《帝女花》為主題，全新編寫成大型管弦樂作品，吸引了不少管弦樂愛好者； 從於服裝或化妝開始了解，因為戲曲中每一套服裝都有特別意思； 從品味高的戲曲入手，打破「戲曲等於老土」的印象，引起興趣，吳國亮透露戲曲加入現代演奏元素都可以好型。 《新城文化會館》 新城知訊台 3月4日起，逢星期一至五，下午5:00至6:00 星期一至五文化會館主題列表： 星期一「戲曲大世界」，主持：葉泳詩 星期二「世界隨意門」，主持：葉泳詩 星期三「無限定」，主持：陳有輝、Marvin、靈星 星期四「小明 sir搵位攝」，主持：小明Sir、Stacey 星期五「偽文青企劃室」，主持：阿臣
