Jacky透露8月，以中國香港閃避球代表隊男子隊隊長身分，到奧地利參加世界閃避球錦標賽，他又指「閃避球係一件好國際化嘅事，我哋係用6個波去打閃避球，呢個玩法係用6個波去進行，正式比賽係6個打6個，亦都分唔同組別，有男子組、女子組、混合組，掟中未有分數，一方清場自己一方就得分，喺限時之內，得到最多分為之贏。」
何基佑提及Jacky訓練過不同年紀層的人，最小的是幼稚園小朋友，Jacky說：「我哋從玩中學習，以閃避球做一個媒介，去學基本動作技能，例如純粹抱住個波跑，佢會保持一個平衡，仲有拋接，如果做唔到拋，可以碌個波，訓練動作協調，大肌肉小肌肉嘅控制，同埋幫助大腦嘅發展。」Jacky還詳述玩閃避球的技術、發展等等。

事後，Jacky接受《新城八大家》訪問，他指閃避球是近年一個新興運動，想起成長期間，很多人都會接觸過閃避球，「我細個係玩單球式嘅閃避球，後來接觸到國際式閃避球，然後喺2016年開始代表香港，直到而家，我都做緊發展閃避球嘅工作。（冇諗過小朋友玩嘅遊戲，會變成一個國際性嘅運動？）冇錯，世界各地都有佢嘅玩法、規矩，連用球都唔一樣，到近代，我哋將閃避波規範化，我冇諗到喺中學同朋友玩，直至而家做咗港隊，（有冇邀請當年同學或者朋友一齊玩？）其實有啲做緊我嘅隊友，非常之有緣！」他透露港隊的備戰，已經去到最後的階段，8月6日會出發奧地利比賽。

另外，現場不少女士對Jacky心心眼，其中一位便是譚玉瑛，Jacky笑說：「係咩？多謝晒，我以前放學都睇《放學ICU》，好似發夢咁樣，以前望電視，今日竟然喺同一個錄音室，仲喺我隔籬傾偈，好開心，我有同佢講《放學ICU》吉祥物『蔥蔥』。（當年趕住放學返屋企睇？）我要訓練閃避球，但都會爭取時間睇《放學ICU》。」

《QK玉瑛室》節目重溫，請瀏覽：
https://shorturl.at/L88du

MBO TV
https://mbo.metro.hk/

The post QK玉瑛室丨譚玉瑛對閃避球港將倫子儒心心眼？ 「靚仔高大，樣子端好，又有朝氣」 appeared first on .