現年31歲的蘇韻姿早前宣布離巢 ，一眾《愛·回家之開心速遞》粉絲非常傷心，因為蘇韻姿劇中飾演的熊心如大受歡迎，但目前已離巢，「回家」無望。離巢後的蘇韻姿積極在IG更新動向，近日還與同樣離巢的藝人朱智賢一起拍片。
蘇韻姿離巢後工作多多：每次做司儀都非常開心
蘇韻姿離巢後工作多多，近日仲發布做司儀的照片，寫道：「每次做司儀都非常開心！嗰晚氣氛好好，最緊要大家玩得開心！我第一次主持一個生日派對，主辦人真係有心思，有晒theme又準備晒禮物送俾貴賓，同大家一齊玩遊戲真係玩得好高興。希望下次再見」。
蘇韻姿搬屋迎接新開始 網民：離開傷心嘅家
另外，蘇韻姿除了工作多多，仲透露搬屋迎接新的生活。她IG發布多張照片，相中的蘇韻姿穿著短褲大騷一雙長腿與搬屋貨車合照，她笑言搬屋這段時間「繁忙又徬徨」，幸好有人幫手搬屋。不少網民送上祝福指有新開始，其中一位網民寫道：「離開傷心嘅家，無情嘅家 重新開始 加油！」而蘇韻姿以emoji回覆。
