新城廣播重新打造「新城唱好音樂會2024」，第一擊將於6月8日星期六晚上7時在海洋公園舉辧「新城唱好海洋公園音樂會 周禮茂作品展」。而新城知訊台節目由程凱欣及麥卓華主持的《原來生活好快樂》請到周禮茂做嘉賓。
周禮茂因玩票性質做填詞人
周禮茂受兩位主持訪問時，提及入行經過是玩票性質，起初是做廣告歌才有機會填詞，做完廣告歌後開始「上癮」，開始改編日本及台灣歌曲，「當時有一兩個朋友好支持我，我填完歌詞佢哋會話我唱一次畀你聽呀，竟然係有聽眾。」
周禮茂將自身經歷寫進歌曲 分享低潮期曾抽身唔到
周禮茂填詞時將自身經歷寫進歌曲裡，表示不介意透露當時經歷的低潮期：「其實唔係事業就愛情，總之唔順心同埋有時工作同感情太投入，自己係抽身唔到。最後想話畀大家知我依家已經腳踏實地咗，我之前有啲行差踏錯又好，想歪又好，但希望大家知道可以跨得過可以繼續向前行。」
曾為劉德華寫歌 犧牲與朋友飯聚時間
回憶起一次創作歌詞，周禮茂透露有天晚上約了朋友飯聚，但途中收到劉德華助手的電話，表示希望他能在當日寫好那首歌的歌詞，「我以為佢好緊張，我話好，就叫啲朋友食住等我，然後衝咗入書房寫，大概就用咗一個鐘寫完，呢首歌就係《獨自去偷歡》」。
周禮茂認作品展未揀好歌 望觀眾睇完可以開心
最後講到接下來的作品展，他分享選歌過程也有深思熟慮：「其實短短兩個鐘，希望大家一聽就識一聽就有共鳴，好多朋友同我研究歌單，每一個都話呢首好Hit，但仲未揀好晒，我仲三心兩意緊。」周禮茂強調這個show沒有很大壓力，只希望聽眾感受到一件事：「當然我要令到嚟睇嘅人開心，同埋有少少眼淚啦，對自己壓力唔算大。」
