歌手羅啟豪（Ramon）、支嚳儀（Venus）今日（2日）現身新城廣播，接受何基佑Kay及黃筠兒Chloe主持《QK玉瑛室》節目直播訪問。羅啟豪與支嚳儀透露將以大使身份出席5月25日「香港麥當勞叔叔之家慈善基金（RMHCHong Kong）」假香港麥當勞叔叔之家觀塘家舍舉辦《香港麥當勞叔叔之家-愛心慈善大派對》。
Ramon覺得真係好有意義，「因爲麥當勞叔叔之家喺醫院附近起咗個家舍，方便屋企人來往醫院，照顧住院嘅小朋友。」Venus就表示「會親手整好靚嘅cookies。」Ramon就準備咗自己設計的周邊產品，包括玻璃杯，香薰蠟燭套裝，仲有兩個人簽名嘅麥當勞叔叔之家熊啤啤，名額150位，先到先得，大家快啲報名啦。
《中年好聲音3》即將舉行決賽，被問到會唔會去撐場，兩人即言：「梗係啦」。Ramon話：「會去撐場，做埋嘉賓，覺得係決賽返中聲舞臺好似圓夢咁。Venus更笑言，你（Ramon）負責暖場，我就負責暖「氈」，盛裝出席喺紅地氈行一圈。
兩個人都表示對中3決賽好期待，覺得各個參賽者都有自己風格，期待每一位帶到啲咩畀觀衆睇，同埋今次中3完全係演唱會級別，期待選手揀咩歌，狀態一定會更勇，會睇得好盡興。
圖片來源：新城廣播
